9 قىركۇيەك ەلدە كوروناۆيرۋس ينفەكتسياسىن جۇقتىرعان 86 ادام تىركەلدى. بۇل الدىڭعى كۇنگە قاراعاندا 13-كە كوپ. وتكەن كۇنى انىقتالعان كەيستەر سانى بويىنشا استانا (8.09 – 19, 9.09 – 13) مەن شقو (8.09 – 16, 9.09 – 17) ەكىنشى كۇن قاتارىنان العا شىقتى.
دەنميننىڭ رەسمي مالىمەتىنشە، ەمدەلىپ جاتقان 4 685 ادامنىڭ 2,5 مىڭى اۋرۋحانالاردا. ال 2,1 مىڭا امبۋلاتوريالىق تەراپيادا. ولاردىڭ اراسىندا 34 بالا بار. احۋالى ناشارلاعان 132 ناۋقاستىڭ اراسىندا 21 ادامنىڭ جاعدايى قاتتى قيىنداعان. جانە 26 پاتسيەنت جاساندى اپپاراتپەن تىنىستاپ جاتىر.
رەسپۋبليكا بويىنشا بارلىعى 106 584 ادام كوروناۆيرۋس ينفەكتسياسىن جۇقتىرسا، ەمدەلىپ جازىلعاندارى – 100 248. بۇل جالپى ناۋقاستاردىڭ 94%-ىنا جۋىعى.
سونىمەن قوسا، سارسەنبى كۇنى كوروناۆيرۋس پنەۆمونياسىنا شالدىققان 347 ادام تىركەلىپتى. بىراق ولاردىڭ قانشاسى قاي ايماقتان ەكەنى بەلگىسىز. پتر تەستى تەرىس شىققانىمەن، كوروناۆيرۋس سالدارىنان اسقىنعان اقوكپە اۋرۋىنىڭ ايماقتارعا تارالۋ دەرەگىن تۇراقتى تۇردە جاريالاۋعا ۋادە ەتكەن مينيستر الەكسەي تسوي دا، ونىڭ كومەكشىسى، ۆەدومستۆونىڭ رەسمي وكىلى باعدات قوجاحمەتوۆ تە سوزىندە تۇرعان جوق. ءالى كۇنگە دەيىن كوروناۆيرۋس پنەۆمونياسىنىڭ وڭىرلەردەگى ديناميكاسىن بىلە الماي كەلەمىز.
ۇكىمەت ستاتيستيكاسى بويىنشا، 9 قىركۇيەك كوروناۆيرۋستان 5, پنەۆمونيادان 1 قازاقستاندىق قايتىس بولعان. پاندەميا باستالعالى ۆيرۋس جۇققانداردىڭ جيىنى 2,5 مىڭنان ارتىق قازاقستاندىق (كۆي+ / U07.1 – 1 651, كۆي- / U07.2 – 317, ىلەسپە اۋرۋلاردان – 556) ومىردەن وتكەن. دەگەنمەن قازاقستان بيلىگى بويىنان كوروناۆيرۋس ينفەكتسياسى تابىلسا دا، باسقا اۋرۋدىڭ سەبەبىنەن قايتتى دەپ سانايتىن 556 ءولىم جاعدايىن جالپى ەسەپكە قوسپايدى. مۇنى كوپتەگەن ساراپشىلار قاتە ەكەنىن ايتىپ، مانيپۋلياتسيا رەتىندە باعالاپ كەلەدى. قوعامدا بيىلعى 256 مىڭ پنەۆمونيا جاعدايىن ەسەپكە قوسپاي، جالپى ستاتيستيكانى شىلدەدەگى قىرعىننان كەيىن جۇرگىزە باستاعان ۇكىمەتتىڭ ەسەبىنە كۇمانمەن قارايتىندار كوبەيگەن.
13 ناۋرىز بەن 9 قىركۇيەك كۇندەرى ارالىعىندا انىقتالعان كوروناۆيرۋس تۋرالى
| ايماقتار | ناۋقاستار | ايىققاندار | قايتقاندار |
| الماتى | 14 299 | 13 838 | 269 |
| استانا | 13 924 | 13 548 | 313 |
| اتىراۋ وبلىسى | 10 975 | 10 374 | 59 |
| قاراعاندى وبلىسى | 10 167 | 9 531 | 272 |
| شقو | 8 344 | 8 138 | 158 |
| بقو | 6 797 | 6 320 | 100 |
| شىمكەنت | 5 182 | 4 498 | 62 |
| الماتى وبلىسى | 4 915 | 4 752 | 55 |
| جامبىل وبلىسى | 4 104 | 3 682 | 56 |
| سقو | 4 000 | 3 918 | 20 |
| پاۆلودار وبلىسى | 3 866 | 3 676 | 49 |
| قوستاناي وبلىسى | 3 440 | 2 885 | 12 |
| اقمولا وبلىسى | 3 432 | 3 116 | 77 |
| تۇركىستان وبلىسى | 3 348 | 3 239 | 44 |
| ماڭعىستاۋ وبلىسى | 3 336 | 2 612 | 41 |
| اقتوبە وبلىسى | 3 224 | 3 020 | 35 |
| قىزىلوردا وبلىسى | 3 231 | 3 101 | 12 |
| جالپى | 106 584 | 100 248 | 1 634 |
*قايتقاندار قاتارى 13 ناۋرىز-6 قىركۇيەك ارالىعىنداعى دەرەكتەر بويىنشا كورسەتىلگەن. وسى اپتاداعى مالىمەت ەنگىزىلمەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟