ترامپتىڭ كانديداتۋراسى رەسمي تۇردە بەكىتىلدى

BBC اگەنتتىگىنىڭ حابارلاۋىنشا، اقش-تاعى رەسپۋبليكالىق پارتيانىڭ تىكەلەي ەفيردە وتكىزىلگەن سەزىندە دونالد ترامپتى ەل پرەزيدەنتىگىنەن ۇمىتكەر رەتىندە رەسمي تۇردە ۇسىنىلدى. پارتيانىڭ سەزىندە ترامپقا 1276 داۋىس بەرىلدى. بۇل اق ءۇيدىڭ قازىرگى يەسىن سايلاۋدا كانديدات رەتىندە ۇسىنۋعا جەتكىلىكتى كورسەتكىش.

بيىل پاندەمياعا بايلانىستى امەريكاداعى سايلاۋدا داۋىس بەرۋ پوشتا ارقىلى جۇرگىزىلمەك. بۇل دا ءار شتاتتىڭ زاڭىنا بايلانىستى وزگەرەدى: تەحاستا تۇرعىندار ارنايى ءوتىنىم تولتىرسا، كاليفورنيا، يۋتا، نەۆادادا داۋىس بەرۋشى رەتىندە تىركەلگەن بارلىق ازاماتتىڭ مەكەن جايىنا بيۋللەتەندەر جىبەرىلەدى.

قاراشادا وتەتىن پرەزيدەنت سايلاۋىنا قاتىستى رەسپۋبليكالىقتار مەن دەموكراتتار اراسىندا بىرنەشە داۋ تۋعان. قازىرگى پرەزيدەنتتىڭ سايلاۋ كۇنىن كەيىنگە شەگەرۋ تۋرالى ۇسىنىسى سىنعا ۇشىرادى. ونىڭ ويىنشا، «پوشتا ارقىلى داۋىس بەرۋ جۇرگىزىلسە، سايلاۋ ادىلەتسىز بولۋى مۇمكىن. سول سەبەپتى بەلگىلەنگەن داتانى وزگەرتۋ كەرەك».

نەگىزىنەن اقش كونستيتۋتسياسىنا ساي پرەزيدەنتتىك سايلاۋدى كەيىنگە قالدىرۋعا تەك كونگرەستىڭ عانا ۋاكىلەتتىلىگى بار. سونىمەن قاتار قۇراما شتاتتاردىڭ ءۇش فەدەرالدى زاڭى داۋىس بەرۋ كۇنىنىڭ وزگەرمەيتىنىن شەگەلەپ ەسكەرتكەن. نەگىزگى داتا – قاراشانىڭ العاشقى سەيسەنبىسى. بۇل – تاريحتا 1845 جىلدان بەرى قالىپتاسقان ەرەجە.

"The Qazaq Times"