AQŞ prezidenti Donal'd Tramp. Foto: REUTERS

BBC agenttiginiñ habarlauınşa, AQŞ-tağı Respublikalıq partiyanıñ tikeley efirde ötkizilgen s'ezinde Donal'd Tramptı el prezidentiginen ümitker retinde resmi türde wsınıldı. Partiyanıñ s'ezinde Trampqa 1276 dauıs berildi. Bwl Aq üydiñ qazirgi iesin saylauda kandidat retinde wsınuğa jetkilikti körsetkiş.

Biıl pandemiyağa baylanıstı Amerikadağı saylauda dauıs beru poşta arqılı jürgizilmek. Bwl da är ştattıñ zañına baylanıstı özgeredi: Tehasta twrğındar arnayı ötinim toltırsa, Kaliforniya, YUta, Nevadada dauıs beruşi retinde tirkelgen barlıq azamattıñ meken jayına byulletender jiberiledi.

Qaraşada ötetin prezident saylauına qatıstı respublikalıqtar men demokrattar arasında birneşe dau tuğan. Qazirgi prezidenttiñ saylau künin keyinge şegeru turalı wsınısı sınğa wşıradı. Onıñ oyınşa, «poşta arqılı dauıs beru jürgizilse, saylau ädiletsiz boluı mümkin. Sol sebepti belgilengen datanı özgertu kerek».

Negizinen AQŞ Konstituciyasına say prezidenttik saylaudı keyinge qaldıruğa tek Kongrestiñ ğana uäkilettiligi bar. Sonımen qatar Qwrama Ştattardıñ üş federaldı zañı dauıs beru küniniñ özgermeytinin şegelep eskertken. Negizgi data – qaraşanıñ alğaşqı seysenbisi. Bwl – tarihta 1845 jıldan beri qalıptasqan ereje.

"The Qazaq Times"