اقش پەن قىتايدىڭ قورعانىس مينيسترلەرى اراسىنداعى كەزدەسۋ. 18,11,2019.

سارسەنبىدە پەنتاگون اقش قورعانىس ءمينيسترى مارك ەسپەردىڭ ءۇندى-تىنىق مۇحيت ايماعىنا قىزمەتتىك ساپارمەن باراتىنىن مالىمدەدى. پەنتاگون باسشىسى كەزەكتى ساپارىندا گاۆاي، پالاۋ جانە گۋام ارالدارىنداعى اسكەري كۇشتەردى ارالايدى. سونداي-اق، جەرگىلىكتى اسكەري جەتەكشىلەر جانە شەتەلدىك سەرىكتەستەرىمەن كەزدەسۋلەر وتكىزبەك.

ەسپەر كەزەكتى ساپارىندا قازىرگى كەزدە قۇراما شتاتتىڭ ايماقتا ۇستانىپ وتىرعان ساياساتىن، ياعني «ەركىن جانە اشىق ءۇندى-تىنىق ايماعى» ۇستانىمىن جۇزەگە اسىرۋ، حالىقارالىق ەرەجەلەرگە ساي قاۋىپسىزدىك ءتارتىبىن نىعايتۋدى باستى ماقسات ەتكەن. سونداي-اق، پەنتاگون باسشىسى تىنىق مۇحيتى مەن ءۇندى مۇحيتىندا جاتقان سەرىكتەس ەلدەرمەن قىتايدان تونەتىن قاۋىپكە قارسى ىنتىماقتاستىقتى نىعايتۋدى ەڭ باستى نازارعا الماق.

قۇراما شتاتتار قىتايدى ءۇندى-تىنىق مۇحيتى ايماعىنا قاۋىپ ءتوندىرۋشى رەتىندە قاراستىرادى. سوڭعى بىرنەشە جىلدا اقش ايماقتاعى ەلدەرمەن قورعانىس ىنتىماقتاستىعىن بارىنشا دامىتىپ جاتىر. بۇعان دەيىن اسكەري الماسۋلار بولماعان كوپتەگەن ەلدەردى ءوز قاتارىنا تارتۋدا. بۇل بەيجىڭنىڭ ايماقتاعى ءوسىپ كەلە جاتقان قاتەرىنە قارسى شارالاردىڭ ەڭ نەگىزگىسى سانالادى.

قازىر، اقش پەن قىتايدىڭ ديپلوماتيا جانە ساۋدا قاتىناسىنا قوسا قورعانىس سالاسىنداعى قارىم-قاتىناسى دا قاۋىپتى دەڭگەيدە تۇر. تامىزدىڭ باس شەنىندە ەسپەر مەن قىتاي قورعانىس ءمينيسترى جانە مەملەكەتتىك كەڭەسشى ۆەي فىڭحىمەن تەلەفون ارقىلى سويلەسكەن بولاتىن. سويلەسۋ كەزىندە ولار اقش-قىتاي جانە ەكى ەل اسكەري كۇشتەرىنىڭ قارىم-قاتىناسى تۋرالى تالقىلاعان ەدى. ەسپەر قىتايدى حالىقارالىق ءتارتىپتى ساقتاۋعا كوبىرەك شاقىرعان. ەكى ەل اراسىنداعى قاۋىپتى قاقتىعىستىڭ الدىن الۋ ءۇشىن تۇراقتى جانە ناتيجەگە باعىتتالعان قورعانىس قارىم-قاتىناسىن ساقتاۋدىڭ ماڭىزدىلىعى تۋرالى ەسكەرتكەن.

“The Qazaq Times”