دونالد ترامپ قىتايلىق Alibaba كومپانياسىنىڭ اقش اۋماعىنداعى جۇمىسىنا تىيىم سالۋى مۇمكىن. بۇل تۋرالى ول ءباسپاسوز ماسليحاتىندا حابارلادى.
جۋرناليستەردىڭ ءبىرى «TikTok» الەۋمەتتىك جەلىسىن يەلەنۋشى «بايت دانس» بىرلەستىگىنە قارسى شارادان كەيىن قىتايدىڭ وزگە كومپانيالارىنا وسىنداي شارالار قولدانىلۋى مۇمكىن بە دەپ سۇراعان ەدى. اق ءۇي باسشىسى مۇنى جوققا شىعارمايتىنىن جانە قازىر بيلىك ءتۇرلى شەشىمدەر قاراستىرىپ جاتقانىن جەتكىزدى.
Alibaba بىرلەستىگى – الەمدەگى ەڭ ءىرى ەلەكتروندىق كوممەرتسيا مەن تسيفرلىق تولەم كومپانياسىنىڭ ءبىرى. وسى ايدىڭ باسىندا ترامپ اكىمشىلىگى قىتايدىڭ ءىرى تەحنولوگيالىق بىرلەستىكتەرىنە قارسى بىرقاتار شەكتەۋ شاراسىن ۇسىنعان بولاتىن.
بىرنەشە اي بۇرىن اقش فەدەرالدى بارلاۋ اگەنتتىگى (FBA) جاس وسپىرمدەردىڭ ءومىرىن قورعاۋ ماقساتىندا تانىمال «TikTok» قوسىمشاسىنا قاتىستى تەرگەۋ جۇمىستارىن باستاعان. اقش ۇكىمەتى «TikTok» كومپانياسىن جاس وسپىرمدەر قاۋىپسىزدىگى تۋرالى 2019 جىلعى كەلىسىمدى ورىندامادى دەپ ايىپتاپ وتىر.
7 شىلدەدە پرەزيدەنت ترامپ Gray TV ارناسىنا بەرگەن سۇحباتىندا «TikTok» جەلىسىنە شەكتەۋ قويۋ ماسەلەسى قاراستىرىلىپ جاقانىن ايتقان. بۇل تۋرالى اقش مەملەكەتتىك حاتشىسى م. پومپەو دە راستاعان ەدى. «بۇل ماسەلە بويىنشا جۇمىس الىپ بارىپ جاتقانىمىزعا ۇزاق ۋاقىت بولدى» دەگەن پومپەو.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى