جەنەۆادا وتكەن وتىرىستا دۇنيەجۇزىلىك دەنساۋلىق ساقتاۋ ۇيىمى كوروناۆيرۋس ينفەكتسياسىنا بايلانىستى ەنگىزىلگەن حالىقارالىق توتەنشە جاعداي رەجيمىن تاعى ءۇش ايعا ۇزارتتى.
دسۇ-نىڭ مۇنداي شەشىم قابىلداۋىنا ءار مەملەكەتتەگى ستاتيستيكالىق دەرەكتەردىڭ ارتۋى سەبەپ بولعان. 1 تامىزدا 290 مىڭ ادام ۆيرۋس جۇقتىرىپ، جاڭا انتيرەكورد ورنادى.
ۇيىم ينفەكتسيامەن كۇرەستى جالعاستىرۋعا جانە عىلىمي زەرتتەۋلەرگە قولداۋ كەرسەتۋگە شاقىردى. ماماندار پاندەميا ءجۇز جىلدا ءبىر بولاتىن قۇبىلىس جانە بۇل جولعى ىندەت ۇزاق ۋاقىتقا سوزىلادى دەپ بولجادى.
ددۇ باس ديرەكتورى تەدروس ادحانوم گەبرەيەسۋس: «سوڭعى التى اپتادا اۋرۋ جۇقتىرۋ دەرەگى ەكى ەسە ارتقان. 30 قاڭتاردا توتەنشە جاعايدا جاريالاعاندا، قىتايدان تىس جەردە تىركەلگەن ناۋقاستار سانى جۇزدەن اسپايتىن جانە ودان ەشكىم كوز جۇمعان جوق ەدى. حالىقارالىق سانيتارلىق ەرەجەلەرگە سايكەس، توتەنشە جاعداي بويىنشا كوميتەت جيىنىن وتكىزەمىن. ول پاندەمياعا بايلانىستى جاعدايدى قايتا باعالاۋعا مۇمكىندىك بەرەدى»، – دەپ مالىمدەدى.
قازىرگى ۋاقىتتا الەم بويىنشا COVID-19 ۆيرۋسىن 17,8 ميلليوننان استام ادام جۇقتىرعان. قايتىس بولعاندار سانى – 685 179. وتكەن اپتادا ددۇ-نىڭ پاندەمياعا بايلانىستى توتەنشە جاعداي جاريالاعانىنا جارتى جىل تولادى. كوروناۆيرۋستىڭ جاڭا تولقىنى بەلەڭ العان مەملەكەتتەر كارانتين تالاپتارىن قايتا كۇشەيتە باستادى. ولاردىڭ قاتارىندا بىرقاتار ەۋروپا، لاتىن امەريكاسى ەلدەرى جانە اۋستراليا بار.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى