اق ءۇي مەن سەناتورلار پاندەميا جاعدايىندا اقش ەكونوميكاسىن قالىپتا ۇستاۋ تۋرالى «ىنتالاندىرۋ قۇجاتىن» بەكىتتى. قۇجات بويىنشا ءبىلىم، دەنساۋلىق سالاسىنا بولىنەتىن قارجى كولەمى ارتادى. بۇل تۋرالى Reuters اگەنتتىگىنە اق ءۇي شتابىنىڭ باستىعى مارك ميدوۋسس حابارلادى.
جەكسەنبىدە اقش-تىڭ قارجى ءمينيسترى ستيۆەن منۋچين Fox News سايتىندا رەسپۋبليكاشىلار 1 تريلليون دوللارلىق ىنتالاندىرۋ جوسپارىن دۇيسەنبىدەن باستاپ ۇسىنادى دەگەن.
كەلەسى قۇجاتتار جيىنتىعىن ۇسىنۋ مەرزىمى شىلدەنىڭ اياعىندا اياقتالادى، زاڭ شىعارۋشىلار اق ۇيمەن بىرگە پاندەميانىڭ ەكونوميكالىق اسەرىن تومەندەتۋ بويىنشا جاڭا ۇسىنىستاردى تالقىلاۋدا. بۇعان دەيىن اقش اكىمشىلىگى زاڭ شىعارۋشىلاردان باستامانى 31 شىلدەگە دەيىن جەتكىزۋدى تالاپ ەتكەن.
اxios پورتالىنىڭ مالىمەتىنشە، بۇل باستاما ءبىلىم بەرۋ سالاسىنا ۇلكەن ءمان بەرەدى، سوندىقتان كۇزدە جۇمىسقا قايتا كىرىسەتىن ءبىلىم بەرۋ ۇيىمدارىنا بولىنەتىن قاراجات كولەمى ارتادى. مەديتسينا ەرەجەلەرىن ساقتاۋ ماسەلەسىندە قوناقۇيلەردىڭ، اۋرۋحانالاردىڭ، وقۋ ورىندارىنىڭ جاۋاپكەرشىلىك شەگى ەنگىزىلدى. سونىمەن قاتار رەسپۋبليكاشىلار امەريكادا كوروناۆيرۋس سكرينينگى مەن ۆاكتسينانى دامىتۋعا بولىنەتىن قارجىنى كوبەيتۋدى ۇسىنىپ وتىر. زاڭ جوباسىندا ۆاكتسينانى جاسايتىن بيزنەس وكىلدەرى ءۇشىن سالىق جەڭىلدىكتەرى قاراستىرىلعان.
16 مامىردا اقش كونگرەسىنىڭ وكىلدەر پالاتاسى كوپشىلىك داۋىسپەن دەموكراتتار ۇسىنعان 3 تريلليون دوللارلىق «ىنتالاندىرۋ قۇجاتىن» ماقۇلدادى. كەيىننەن جوعارعى پالاتاداعى رەسپۋبليكاشىلار جاڭا شارالار تۋرالى قۇجاتتى كەرى قايتاردى. اقش پرەزيدەنتى دونالد ترامپ تا بۇل باستامانىڭ ەشقانداي مۇمكىندىگى جوق ەكەنىن ايتتى. سوندىقتان دا پاندەميا كەزىندە ەكونوميكالىق داعدارىستىڭ الدىن الۋ تۋرالى قۇجات قايتا جاسالدى.
24 ساۋىردە اقش اكىمشىلىگىنىڭ باسشىسى كوروناۆيرۋستىق پاندەميا زارداپتارىن ەڭسەرۋگە باعىتتالعان 500 ملرد. اقش دوللارى بولاتىن قۇجاتقا قول قويدى. بۇعان دەيىن كونگرەسس بۇل ماقساتقا 350 ميلليارد دوللار ءبولۋدى ماقۇلدادى، بىراق ءساۋىردىڭ ورتاسىنا دەيىن قاراجات تاۋسىلدى. 2 تريلليون دوللاردان اساتىن سوڭعى ىنتالاندىرۋ پاكەتى ناۋرىزدىڭ سوڭىندا قابىلداندى. بۇعان دەيىن زاڭ شىعارۋشىلار فەدەرالدى بيلىك ورگاندارىنا پاندەمياعا 8,3 ميلليارد دوللار بولگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟