ەۋرووداق ەلدەرى ورتاق كەلىسىمگە كەلدى. بريۋسسەلدە 4 كۇنگە جالعاسقان سامميت اياقتالدى.
سامميت قورىتىندىسى بويىنشا، ەۋروپا ەلدەرىنىڭ باسشىلارى 7 جىلدىق بيۋدجەتكە قاتىستى ورتاق مامىلەگە كەلدى. ەندى ىندەتتەن قاتتى زارداپ شەككەن مەملەكەتتەرگە 390 ميلليارد ەۋرو كولەمىندە قايتارىمسىز قاراجات بولىنەدى.
جيىندا كوروناۆيرۋس پاندەمياسى سالدارىنان تۋىنداعان ەكونوميكالىق تىعىرىقتان شىعۋ ماسەلەسى دە قىزۋ تالقىلاندى. جەڭىلدەتىلگەن نەسيە تۇرىندە بەرىلەتىن قارجى كولەمى 360 ميلليارد ەۋروعا دەيىن ۇلعايتىلدى. بۇل سومانى وداق حالىقارالىق بانكتەر مەن قارجى ۇيىمدارىنان قارىزعا الماق. ونىڭ باسىم بولىگى الداعى 2 جىلدا جۇمسالۋى ءتيىس.
بۇعان دەيىن پاندەميا كەزىندە ەكونوميكالىق داعدارىستى الدىن الۋ ماقساتىندا ەۋرووداق ەلدەرى سامميت وتكىزگەن. ءۇش كۇنگە سوزىلعان جيىندا تاراپتار كەزەكتى مارتە ورتاق كەلىسىمگە كەلە الماي، سامميت ناتيجەسىز اياقتالعان.
نەگىزى پىكىرتالاس تۋدىرعان سوما – 1,8 ترلن ەۋرو. بىراق شىعىس ەۋروپا ەلدەرى قارجىلاندىرۋعا قاتىستى شارتتارعا كەلىسپەدى. ۆيرۋستان قاتتى زارداپ شەككەن وڭتۇستىك، سولتۇستىك ەۋروپانىڭ داعدارىسقا قارسى قورلارعا گرانتتى ازايتىپ، ولاردان رەفورما وتكىزۋدى تالاپ ەتۋ كەرەك دەگەن ۇستانىمىنا قارسى شىقتى. ال فرانتسيا مەن گەرمانيا ەۋروداق ەلدەرىنە قارجىنى پروتسەنتسىز سۋبسيديا رەتىندە ءبولۋ قاجەتتىگىن ايتادى. نيدەرلاند، اۆستريا، دانيا، شۆەتسيا بۇل باستاماعا ءۇزىلدى-كەسىلدى قارسى. اتالعان ەلدىڭ كوشباسشىلارى ءتىپتى وداق بولگەن قارجىنىڭ قايدا جاراتىلعانىن قاتاڭ باقىلاۋ كەرەك دەگەن بولاتىن.
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
ابزال ايدارحان: جوعارعى سوت قالاس نۇرپەيىسوۆتىڭ ىسىندەگى نەگىزگى قاتەلىكتەردى قارامادى
اينارا ايدارحان: جوعارعى سوت ايگەرىم تىلەۋجاننىڭ ءىسىن قارماي تاستادى
شىنقۋات بايجانوۆ: اۋەجاي ءىسىن كاساتسيالىق سوت قاراماي تاستادى. ءبىز اياعىنا دەيىن كۇرەسەمىز
رىسبەك سارسەنبايۇلى: ء"بىز جىندىلار ەلىندە تۇرامىز. بيلىك ءوز قىلمىسىن جاسىرۋ ءۇشىن قاراپايىم ازاماتتاردى سوتتادى"
"قىزىقتىڭ كوكەسى ەندى باستالدى. پروكۋرور دۋماننىڭ سوتىن جابىق وتكىزۋ ءۇشىن سوتتى دا شاتاستىرعان"