ەۋرووداق كوروناۆيرۋستىڭ ەكىنشى تولقىنىنا دايىندالۋى قاجەت. بريۋسسەلدە وتكەن ءباسپاسوز ءماسليحاتىندا ەۋروكوميسسيا وكىلى ستەفان دە كەەرسماكەر وسىنداي ەسكەرتۋ جاسادى.

ەۋروكوميسسيا وكىلى بايانداماسىندا: «ەۋرووداق ۆيرۋستان تونگەن قاۋىپ-قاتەرگە قاتىستى ەپيدەميولوگيالىق باقىلاۋدى جاقسارتا وتىرىپ، ىندەتتىڭ ەكىنشى تولقىنىنا دايىندالۋى قاجەت. ەۋروكوميسسيا اۋرۋلاردىڭ الدىن الۋ جانە باقىلاۋ ورتالىعىمەن بىرلەسە وتىرىپ، كوروناۆيرۋستىڭ ەكىنشى رەت تارالۋ قاتەرى جايلى حاباردار ەتەتىن ارنالاردى دايىنداۋدا. ولار ازاماتتارعا ىندەتتىڭ قايتا ءورشۋى مۇمكىن ەكەنىن تۇسىندىرۋگە كومەكتەسەدى»، — دەدى.

قازىرگى ۋاقىتتا ەۋروپا ەلدەرى COVID-19-بەن كۇرەس اياقتالماي، كارانتين شارالارىن جەڭىلدەتىپ جاتىر. ەۋروپادا ىندەتتىڭ تارالۋى جاقسى باقىلاۋعا الىنعانىمەن، ىندەتتىڭ قايتا ءورشۋى ابدەن مۇمكىن. سەبەبى دەرتتەن قايتىس بولعاندار سانىنىڭ ازايۋى ادامداردى بەيقام ەتەدى. سوندىقتان كۇننىڭ جىلىنۋىنا قاراماستان، الەۋمەتتىك اراقاشىقتىق پەن تازالىق شارالارىن ساقتاۋ كەرەكتىگى ايتىلدى.

"The Qazaq Times"