C.جاسۇزاقوۆ شىۇ باس حاتشىسىمەن كەزدەستى

قر قورعانىس مينيسترلىگىندە قازاقستان قورعانىس ۆەدومستۆوسىنىڭ باسشىسى گەنەرال-پولكوۆنيك ساكەن جاسۇزاقوۆتىڭ شىۇ قاۋىپسىزدىك كەڭەسى حاتشىلارىنىڭ وتىرىسىنا قاتىسۋ ءۇشىن استانا قالاسىنا كەلگەن شانحاي ىنتىماقتاستىق ۇيىمىنىڭ باس حاتشىسى راشيد الىموۆپەن كەزدەسۋى ءوتتى. بۇل تۋرالى مينيسترلىكتىڭ رەسمي سايتىندا حابارلاندى.  

كەزدەسۋ بارىسىندا شىۇ كەڭىستىگىندەگى قاۋىپسىزدىك، زاماناۋي قاۋىپ-قاتەرلەرگە توتەپ بەرۋ، سونداي-اق، شىۇ مەملەكەتتەرى قورعانىس مينيسترلەرىنىڭ الداعى كەڭەسىنە دايىندىق ماسەلەلەرى تالقىلاندى. تاراپتاردىڭ ايتۋىنشا، شانحاي ىنتىماقتاستىق ۇيىمى اسكەري-ساياسي بلوك بولىپ تابىلمايدى. سونىمەن بىرگە، قاتىسۋشى مەملەكەتتەر لاڭكەستىكپەن، ەكسترەميزم جانە سەپاراتيزممەن كۇرەسۋدە تاباندىلىقتى جانە تولىق كولەمدە ولارعا قارسى تۇرۋعا ازىرلىكتى پاش ەتەدى. بۇل ماقساتتاردا ءار ەكى جىل سايىن «بەيبىت ميسسيا» حالىقارالىق لاڭكەستىككە قارسى وقۋ-جاتتىعۋى، تاۋلى-ەگەرلىك بولىمشەلەردىڭ بىرلەسكەن جاتتىعۋلارى، قاۋىپسىزدىك اياسىنداعى كونفەرەنتسيالار مەن سەمينارلار وتكىزىلىپ تۇرادى. قر قورعانىس ءمينيسترى قازاقستان شىۇ مەملەكەتتەرىمەن عانا ەمەس، سونىمەن بىرگە، قاۋىپسىزدىكتى قامتاماسىز ەتۋ مۇددەسىندە ۇيىمنىڭ سەرىكتەستەرى جانە باقىلاۋشىلارىمەن ناتيجەلى ءوزارا ارەكەت ەتۋ ءۇشىن اشىق ەكەنىن اتاپ ءوتتى. «دوستىق پەن ىنتىماقتاستىق رۋحىندا سەرىكتەستىك قارىم-قاتىناستاردى دامىتۋ، سونداي-اق، بارلىق دەڭگەيلەردە بايلانىستى تەرەڭدەتۋ مەملەكەتىمىز بەن حالقىمىزدىڭ الدىندا تۇرعان زاماناۋيلىقتىڭ كوپتەگەن ماسەلەلەرىن شەشۋ ءۇشىن نەگىز بولىپ تابىلادى»، - دەپ اتاپ ءوتتى قازاقستان قورعانىس ۆەدومستۆوسىنىڭ باسشىسى.

“The Qazaq Times”