شانحاي ىنتىماقتاستىق ۇيىمىنىڭ قاتارىنا تاعى ءبىر ەل قوسىلادى. يران يسلام رەسپۋليكاسى اتالعان ۇيىمنىڭ جاڭا مۇشەسى بولماق. بۇل تۋرالى يران ۇلتتىق قاۋىپسىزدىك كەڭەسىنىڭ باس حاتشىسى ءوزىنىڭ الەۋمەتتىك جەلىدەگى پاراقشاسىندا مالىمدەدى.
يران ۇلتتىق قاۋىپسىزدىك كەڭەسىنىڭ باس حاتشىسى الي شەمحاني ءوزىنىڭ Twitter-دە جاساعان مالىمدەمەسىندە يراننىڭ اتالمىش ۇيىمعا مۇشە بولۋىنا سوڭعى ساياسي كەدەرگىنىڭ جويىلعانىن، ازداعان تەحنيكالىق پروتسەستەردەن كەيىن رەسمي مۇشەلىككە وتەتىنىن جازعان.
بۇل مالىمدەمەسىنىڭ الدىندا شەحماني رەسەيلىك ارىپتەسى نيكولاي پاترۋشەۆپەن تەلەفون ارقىلى سۇحباتتاسقان. ولار سويلەسۋ كەزىندە اۋعانستان، ءسۇريا جانە پارسى شىعاناعى ماسەلەلەرىن تالقىلاعان. سونداي-اق، يراننىڭ شىۇ-نا مۇشە بولۋى تۋرالى ورتاق پىكىرگە دە كەلگەن.
ايتا كەتەيىك، شىۇ ەڭ العاش 1996 جىلى قىتاي، رەسەي، قازاقستان، قىرعىزستان جانە تاجىكستاننىڭ قاتىسۋىمەن «شانحاي بەستىگى» بولىپ قۇرىلدى. 5 جىلدان كەيىن قاتارىنا وزبەكستاندى قوسقان بەستىك ەندىگى جەردە «شانحاي ىنتىماقتاستىق ۇيىمى» دەپ اتالدى. ۇيىم ءوزىنىڭ قاتارىن بىرتىندەپ كەڭەيتتى. ەكسپو-2017 قارساڭىندا ەلورلامىزدا وتكەن سامميت كەزىندە ۇيىمعا ءۇندىستان مەن پاكىستان قوسىلىپ، ءتورت بىردەي يادرولىق دەرجاۆا قاتىسقان ىقپالدى ۇيىم رەتىندە كورىنە باستادى.
دەگەنمەن، ىنتىماقتاستىق ۇيىم مۇشەلەرى اراسىندا مۇددەلىك ورتاقتىق ءالى دە تومەن دەڭگەيدە. سوڭعى جىلدارى ءۇندى-قىتاي قاتىناسى شيەلەنىسىپ، ءۇندىستاننىڭ ۇيىمداعى بولاشاعى بۇلدىر بولا ءتۇستى. يراننىڭ جاڭا مۇشەلىككە قابىلدانۋى قازاقستاندى قامتىعان ۇيىمدى ءتۇرلى تاۋەكەلدەرگە تىگۋى بەك مۇمكىن.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟