قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2020 جىلعى 22 مامىرداعى № 37 قاۋلىسىنا وزگەرىستەر مەن تولىقتىرۋلار ەنگىزىلدى. ءماتىندى نازارلارىڭىزعا ۇسىنامىز. 

قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2020 جىلعى 22 مامىرداعى № 37 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ حالقى اراسىندا COVID-19 كوروناۆيرۋستىق ينفەكتسياسىنىڭ (بۇدان ءارى – COVID-19) تارالۋىنىڭ الدىن الۋ ماقساتىندا قاۋلى ەتەمىن:

  1. «قازاقستان رەسپۋبليكاسىنىڭ حالقى اراسىندا كوروناۆيرۋستىق ينفەكتسيا اۋرۋىنىڭ الدىن الۋ جونىندەگى شارالاردى ودان ءارى كۇشەيتۋ تۋرالى» قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2020 جىلعى 22 مامىرداعى № 37 قاۋلىسىنا مىناداي وزگەرىستەر مەن تولىقتىرۋلار ەنگىزىلسىن:

1) 1-تارماق مىناداي رەداكتسيادا جازىلسىن: «1. وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، دەنساۋلىق ساقتاۋ باسقارمالارىنىڭ باسشىلارى:

1) قازاقستان رەسپۋبليكاسىنا شەتەلدەن اۆيارەيستەر كەلەتىن ادامدارعا قاتىستى ءىس-شارالاردى مىناداي تارتىپپەن جۇرگىزۋدى: قازاقستان رەسپۋبليكاسىنىڭ ۇكىمەتتىك دەلەگاتسيالارىن; قازاقستان رەسپۋبليكاسى سىرتقى ىستەر مينيسترلىگىنىڭ شاقىرۋى بويىنشا قازاقستان رەسپۋبليكاسىنا كەلەتىن شەت مەملەكەتتەردىڭ جانە حالىقارالىق ۇيىمداردىڭ رەسمي دەلەگاتسيالارىنىڭ مۇشەلەرىن; قازاقستان رەسپۋبليكاسىندا اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرىن جانە ولاردىڭ وتباسى مۇشەلەرىن; اۆياكومپانيالار ەكيپاجدارىن; قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋدىڭ 5 كۇنىنەن كەشىكتىرىلمەي بەرىلگەن پتر ادىسىمەن زەرتحانالىق تەكسەرۋدىڭ تەرىس ناتيجەسى بار COVID-19-عا تەكسەرىلگەنى تۋرالى انىقتاما بەرگەن ادامداردى قوسپاعاندا، قازاقستان رەسپۋبليكاسىنا شەتەلدەن كەلگەن بارلىق ادامداردى 2 تاۋلىككە دەيىن COVID-19-عا زەرتحانالىق تەكسەرۋ جۇرگىزۋ ءۇشىن كارانتيندىك ستاتسيوناردا وقشاۋلاۋدى قامتاماسىز ەتسىن. COVID-19-عا زەرتحانالىق تەكسەرۋ ناتيجەلەرىن العاننان كەيىن وڭ ناتيجەلى ادامدار ەمدەۋ ءۇشىن ينفەكتسيالىق ستاتسيونارعا اۋىستىرىلادى، COVID-19-عا تەرىس ناتيجەلى ادامدارعا وسى قاۋلىعا 33-قوسىمشاعا سايكەس ءتيىستى قولحاتتى الا وتىرىپ، COVID-19-دىڭ ىقتيمال سيمپتومدارى تۋرالى تۇسىندىرمە جۇرگىزىلەدى. COVID-19 اۋرۋىن جوققا شىعارمايتىن بەلگىلەرى بار ادامدار كارانتيندىك ستاتسيونارعا ەمەس، پروۆيزورلىق ستاتسيونارعا ەمدەۋگە جاتقىزىلادى.

قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋدىڭ 5 كۇنىنەن كەشىكتىرىلمەي بەرىلگەن پتر ادىسىمەن زەرتحانالىق تەكسەرۋدىڭ تەرىس ناتيجەسى بار COVID-19-عا تەكسەرىلگەنى تۋرالى انىقتاما بەرگەن، اۆيارەيسپەن شەت ەلدەن كەلگەن ادامدار COVID-19-عا زەرتحانالىق تەكسەرۋ جۇرگىزۋ ءۇشىن 2 تاۋلىككە دەيىن كارانتيندىك ستاتسيوناردا وقشاۋلاۋعا جاتپايدى. ولارعا وسى قاۋلىعا 33-قوسىمشاعا سايكەس ءتيىستى قولحات الا وتىرىپ، COVID-19-دىڭ ىقتيمال سيمپتومدارى تۋرالى تۇسىندىرمە جۇرگىزىلەدى. اۆياكومپانيالاردىڭ ەكيپاجدارى قوڭىراۋ شالۋ ارقىلى (مۇمكىن بولعان جاعدايدا بەينە قوڭىراۋ شالۋ) تۇراتىن (بولاتىن) جەرى بويىنشا مەديتسينالىق باقىلاۋعا جاتادى. 2) ەاەو ەلدەرىنەن جانە وزبەكستان رەسپۋبليكاسىنان قازاقستان رەسپۋبليكاسىنىڭ مەملەكەتتىك شەكاراسى ارقىلى تەمىرجول، تەڭىز، وزەن كولىگىندە جانە اۆتووتپە جولدارىندا وتكىزۋ پۋنكتتەرى ارقىلى قازاقستان رەسپۋبليكاسىنا كەلگەن بارلىق ادامدارعا قاتىستى ءىس-شارالاردى مىناداي تارتىپپەن جۇرگىزۋدى:

قازاقستان رەسپۋبليكاسىنىڭ ۇكىمەتتىك دەلەگاتسيالارىن; قازاقستان رەسپۋبليكاسى سىرتقى ىستەر مينيسترلىگىنىڭ شاقىرۋى بويىنشا قازاقستان رەسپۋبليكاسىنا كەلەتىن شەت مەملەكەتتەردىڭ جانە حالىقارالىق ۇيىمداردىڭ رەسمي دەلەگاتسيالارىنىڭ مۇشەلەرىن; قازاقستان رەسپۋبليكاسىندا اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرىن جانە ولاردىڭ وتباسى مۇشەلەرىن; قازاقستان رەسپۋبليكاسىنىڭ اۋماعى ارقىلى ترانزيتپەن جۇرەتىن جۇكتەردى اۆتوموبيلمەن حالىقارالىق تاسىمالداۋدى جۇزەگە اسىراتىن ادامداردى قوسپاعاندا، ەاەو ەلدەرىنەن جانە وزبەكستان رەسپۋبليكاسىنان قازاقستان رەسپۋبليكاسىنىڭ مەملەكەتتىك شەكاراسى ارقىلى تەمىرجول، تەڭىز، وزەن كولىگىندە جانە اۆتووتپە جولدارىندا وتكىزۋ پۋنكتتەرى ارقىلى كەلگەن بارلىق ادامدارعا (بۇدان ءارى – كەلگەن ادامدار) قازاقستان رەسپۋبليكاسىنىڭ مەملەكەتتىك شەكاراسىن كەسىپ وتەتىن ورىنداردا وسى قاۋلىعا 43-قوسىمشاعا سايكەس ساۋالناما جۇرگىزۋدى جانە پتر ادىسىمەن COVID-19-عا زەرتحانالىق زەرتتەۋ ءۇشىن ماتەريال الۋدى قامتاماسىز ەتسىن. پتر ادىسىمەن COVID-19-عا زەرتحانالىق تەكسەرۋ ءۇشىن ماتەريال العاننان كەيىن جانە ساۋالنامادان كەيىن كەلگەن ادامدار مەجەلى ورنىنا دەيىن مارشرۋتى بويىنشا ءجۇرۋدى جالعاستىرادى. كەلگەن ادامدا COVID-19-عا زەرتحانالىق تەكسەرۋدىڭ وڭ ناتيجەسى الىنعان كەزدە مەملەكەتتىك شەكاراداعى سانيتاريالىق-كارانتيندىك پۋنكتكە (بۇدان ءارى - سكپ) ىسساپارعا جىبەرىلگەن قازاقستان رەسپۋبليكاسى دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى دەپارتامەنتىنىڭ (بۇدان ءارى – تكقسقبد) مامانى COVID-19-عا وڭ ناتيجە تۋرالى اقپاراتتى قازىرگى ۋاقىتتا ساۋالنامادا كورسەتىلگەن مارشرۋتتىق پاراققا سايكەس كەلگەن ادام اۋماعىندا بولاتىن تكقسقبد-نە بەرەدى. قازىرگى ۋاقىتتا كەلگەن ادام اۋماعىندا بولاتىن تكقسقبد مامانى دەنساۋلىق ساقتاۋ باسقارماسىنا (بۇدان ءارى – دسب) جانە كەلگەن ادامعا COVID-19-عا زەرتحانالىق تەكسەرۋدىڭ وڭ ناتيجەسى تۋرالى حابارلايدى. دسب كەلگەن ادامدى مەديتسينالىق تەكسەرۋدى قامتاماسىز ەتەدى، COVID-19 بەلگىلەرى بولعان جاعدايدا ونى ينفەكتسيالىق ستاتسيونارعا ەمدەۋگە جاتقىزۋعا جىبەرەدى. COVID-19 بەلگىلەرى بولماعان كەزدە وعان COVID-19 ىقتيمال سيمپتومدارى تۋرالى جانە باراتىن جەرىنە كەلگەن سوڭ مساك ۇيىمىنا جۇگىنۋ جانە COVID-19-عا تەكسەرۋدىڭ وڭ ناتيجەسى تۋرالى حابارلاۋ قاجەتتىلىگىن تۇسىندىرەدى. دسب وسى قاۋلىعا 43-قوسىمشاعا سايكەس ءتيىستى قولحاتتى الادى. تكقسقبد جانە دسب كەلگەن ادامنىڭ مەجەلى ورنىنداعى تكقسقبد جانە دسب-عا COVID-19-عا تەكسەرۋدىڭ وڭ ناتيجەسى بار ادامنىڭ جۇرەتىن جولى تۋرالى حابارلايدى.

3) قازاقستان رەسپۋبليكاسىنا شەت ەلدەن كەلگەن قازاقستان رەسپۋبليكاسىندا اككرەديتتەلگەن ديپلوماتيالىق وكىلدىكتەردىڭ، كونسۋلدىق مەكەمەلەردىڭ جانە حالىقارالىق ۇيىمدار وكىلدىكتەرىنىڭ قىزمەتكەرلەرى جانە ولاردىڭ وتباسى مۇشەلەرى تۇراتىن/بولاتىن جەرىندە COVID-19-عا زەرتحانالىق تەكسەرۋگە جاتادى. ولارمەن وسى قاۋلىعا 33-قوسىمشاعا سايكەس ءتيىستى قولحاتتى الا وتىرىپ، COVID-19 ىقتيمال سيمپتومدارى تۋرالى تۇسىندىرمە جۇرگىزىلەدى.

4) ۆاحتالىق ادىسپەن جۇمىس ىستەيتىن، «تەڭىزشەۆرويل» جشس وبەكتىلەرىنەن دەموبيليزاتسيالانعان ادامدار COVID-19-عا زەرتحانالىق تەكسەرۋ جۇرگىزۋ ءۇشىن كەلگەن ورنى بويىنشا كارانتيندىك ستاتسيوناردا 2 تاۋلىككە دەيىن وقشاۋلاۋعا جاتادى، وڭ ناتيجەلى ادامدار ەمدەۋ ءۇشىن ينفەكتسيالىق ستاتسيونارعا اۋىستىرىلادى، COVID-19-عا تەرىس ناتيجەلى ادامدار 12 تاۋلىك بويى ۇيدە ء(ۇي كارانتينى) وقشاۋلانادى. ۇيدە وقشاۋلاۋ ءۇشىن جاعداي بولماعان كەزدە جەرگىلىكتى اتقارۋشى ورگاندار ايقىنداعان ءۇي-جايلاردا وقشاۋلاۋ ۇسىنىلادى.

5) ءتيىستى اۋماقتىڭ، كولىكتەگى باس مەملەكەتتىك سانيتاريالىق دارىگەرى وڭىردەگى جانە الەمدەگى قالىپتاسقان ەپيدەميولوگيالىق جاعدايدى ەسكەرە وتىرىپ، شەت ەلدەردەن كەلگەن جولاۋشىلاردى كارانتيندەۋ تۋرالى شەشىم قابىلداۋعا قۇقىلى.

"The Qazaq Times"