قازاقستان دەنساۋلىق ساقتاۋ ءمينيسترى الەكسەي تسوي ەلدە كوروناۆيرۋستىڭ "يوتا" شتامى انىقتالعانىن حابارلادى. بۇل جونىندە ول 21 قىركۇيەك كۇنى Facebook-تاعى پاراقشاسىندا جازدى.

ءمينيستردىڭ مالىمەتىنشە، "يوتو" شتامى ەلدىڭ 4 وڭىرىندە انىقتالعان. ولار: قاراعاندىدا - 1, ماڭعىستاۋدا - 2, پاۆلوداردا - 1, استانا - 1.

"دەنساۋلىق ساقتاۋ مينيسترلىگى بيىل شىلدە-تامىز ايلارىندا كۆي ناۋقاستارىنان الىنعان وڭ زەرتحانالىق ۇلگىلەردى سەكۆەنيرلەۋ ادىسىمەن كوروناۆيرۋستىق ينفەكتسياعا گەنەتيكالىق زەرتتەۋ جۇرگىزدى. ونىڭ قورىتىندىلارى بويىنشا، قازاقستاندا 96 ۇلگىدەن شتامدار انىقتالعان. (Delta ء"ۇندى شتاممى" - 57 (59,4%), Alpha "بريتاندىق" - 24 (25%), "ۋحان" كوروناۆيرۋسى - 10 (10,4%) جانە eta "نيگەريا" - 5 (5,2%))" دەپ جازدى مينيستر.

ءمينيستردىڭ جازۋىنشا، "يوتا" شتامى 2020 جىلى جەلتوقساندا بەلگىلى بولعان. ول العاش رەت نيگەريا مەن ۇلىبريتانيادا انىقتالعان. وعان شالدىققانداردىڭ ادەتتە "بريتان شتامى" سياقتى دەنە قىزۋى كوتەرىلىپ، جوتەل پايدا بولادى، ءدام جانە ءيىس سەزۋ قابىلەتى جوعالادى، اۋرۋلارى اسقىنادى.

The Qazaq Times