Qazaqstan Respublikasınıñ Bas memlekettik sanitariyalıq därigeriniñ 2020 jılğı 22 mamırdağı № 37 qaulısına özgerister men tolıqtırular engizildi. Mätindi nazarlarıñızğa wsınamız. 

Qazaqstan Respublikasınıñ Bas memlekettik sanitariyalıq därigeriniñ 2020 jılğı 22 mamırdağı № 37 qaulısına özgerister men tolıqtırular engizu turalı Qazaqstan Respublikasınıñ halqı arasında COVID-19 koronavirustıq infekciyasınıñ (bwdan äri – COVID-19) taraluınıñ aldın alu maqsatında QAULI ETEMİN:

  1. «Qazaqstan Respublikasınıñ halqı arasında koronavirustıq infekciya auruınıñ aldın alu jönindegi şaralardı odan äri küşeytu turalı» Qazaqstan Respublikasınıñ Bas memlekettik sanitariyalıq därigeriniñ 2020 jılğı 22 mamırdağı № 37 qaulısına mınaday özgerister men tolıqtırular engizilsin:

1) 1-tarmaq mınaday redakciyada jazılsın: «1. Oblıstardıñ, Almatı, Nwr-Swltan, Şımkent qalalarınıñ äkimderi, densaulıq saqtau basqarmalarınıñ basşıları:

1) Qazaqstan Respublikasına şetelden aviareyster keletin adamdarğa qatıstı is-şaralardı mınaday tärtippen jürgizudi: Qazaqstan Respublikasınıñ ükimettik delegaciyaların; Qazaqstan Respublikası Sırtqı ister ministrliginiñ şaqıruı boyınşa Qazaqstan Respublikasına keletin şet memleketterdiñ jäne halıqaralıq wyımdardıñ resmi delegaciyalarınıñ müşelerin; Qazaqstan Respublikasında akkredittelgen diplomatiyalıq ökildikterdiñ, konsuldıq mekemelerdiñ jäne halıqaralıq wyımdar ökildikteriniñ qızmetkerlerin jäne olardıñ otbası müşelerin; aviakompaniyalar ekipajdarın; Qazaqstan Respublikasınıñ Memlekettik şekarasın kesip ötudiñ 5 küninen keşiktirilmey berilgen PTR ädisimen zerthanalıq tekserudiñ teris nätijesi bar COVID-19-ğa tekserilgeni turalı anıqtama bergen adamdardı qospağanda, Qazaqstan Respublikasına şetelden kelgen barlıq adamdardı 2 täulikke deyin COVID-19-ğa zerthanalıq tekseru jürgizu üşin karantindik stacionarda oqşaulaudı qamtamasız etsin. COVID-19-ğa zerthanalıq tekseru nätijelerin alğannan keyin oñ nätijeli adamdar emdeu üşin infekciyalıq stacionarğa auıstırıladı, COVID-19-ğa teris nätijeli adamdarğa osı qaulığa 33-qosımşağa säykes tiisti qolhattı ala otırıp, COVID-19-dıñ ıqtimal simptomdarı turalı tüsindirme jürgiziledi. COVID-19 auruın joqqa şığarmaytın belgileri bar adamdar karantindik stacionarğa emes, provizorlıq stacionarğa emdeuge jatqızıladı.

Qazaqstan Respublikasınıñ Memlekettik şekarasın kesip ötudiñ 5 küninen keşiktirilmey berilgen PTR ädisimen zerthanalıq tekserudiñ teris nätijesi bar COVID-19-ğa tekserilgeni turalı anıqtama bergen, aviareyspen şet elden kelgen adamdar COVID-19-ğa zerthanalıq tekseru jürgizu üşin 2 täulikke deyin karantindik stacionarda oqşaulauğa jatpaydı. Olarğa osı qaulığa 33-qosımşağa säykes tiisti qolhat ala otırıp, COVID-19-dıñ ıqtimal simptomdarı turalı tüsindirme jürgiziledi. Aviakompaniyalardıñ ekipajdarı qoñırau şalu arqılı (mümkin bolğan jağdayda beyne qoñırau şalu) twratın (bolatın) jeri boyınşa medicinalıq baqılauğa jatadı. 2) EAEO elderinen jäne Özbekstan Respublikasınan Qazaqstan Respublikasınıñ Memlekettik şekarası arqılı temirjol, teñiz, özen köliginde jäne avtoötpe joldarında ötkizu punktteri arqılı Qazaqstan Respublikasına kelgen barlıq adamdarğa qatıstı is-şaralardı mınaday tärtippen jürgizudi:

Qazaqstan Respublikasınıñ ükimettik delegaciyaların; Qazaqstan Respublikası Sırtqı ister ministrliginiñ şaqıruı boyınşa Qazaqstan Respublikasına keletin şet memleketterdiñ jäne halıqaralıq wyımdardıñ resmi delegaciyalarınıñ müşelerin; Qazaqstan Respublikasında akkredittelgen diplomatiyalıq ökildikterdiñ, konsuldıq mekemelerdiñ jäne halıqaralıq wyımdar ökildikteriniñ qızmetkerlerin jäne olardıñ otbası müşelerin; Qazaqstan Respublikasınıñ aumağı arqılı tranzitpen jüretin jükterdi avtomobil'men halıqaralıq tasımaldaudı jüzege asıratın adamdardı qospağanda, EAEO elderinen jäne Özbekstan Respublikasınan Qazaqstan Respublikasınıñ Memlekettik şekarası arqılı temirjol, teñiz, özen köliginde jäne avtoötpe joldarında ötkizu punktteri arqılı kelgen barlıq adamdarğa (bwdan äri – kelgen adamdar) Qazaqstan Respublikasınıñ Memlekettik şekarasın kesip ötetin orındarda osı qaulığa 43-qosımşağa säykes saualnama jürgizudi jäne PTR ädisimen COVID-19-ğa zerthanalıq zertteu üşin material aludı qamtamasız etsin. PTR ädisimen COVID-19-ğa zerthanalıq tekseru üşin material alğannan keyin jäne saualnamadan keyin kelgen adamdar mejeli ornına deyin marşrutı boyınşa jürudi jalğastıradı. Kelgen adamda COVID-19-ğa zerthanalıq tekserudiñ oñ nätijesi alınğan kezde memlekettik şekaradağı sanitariyalıq-karantindik punktke (bwdan äri - SKP) issaparğa jiberilgen Qazaqstan Respublikası Densaulıq saqtau ministrliginiñ Tauarlar men körsetiletin qızmetterdiñ sapası men qauipsizdigin baqılau komiteti departamentiniñ (bwdan äri – TKQSQBD) mamanı COVID-19-ğa oñ nätije turalı aqparattı qazirgi uaqıtta saualnamada körsetilgen marşruttıq paraqqa säykes kelgen adam aumağında bolatın TKQSQBD-ne beredi. Qazirgi uaqıtta kelgen adam aumağında bolatın TKQSQBD mamanı densaulıq saqtau basqarmasına (bwdan äri – DSB) jäne kelgen adamğa COVID-19-ğa zerthanalıq tekserudiñ oñ nätijesi turalı habarlaydı. DSB kelgen adamdı medicinalıq tekserudi qamtamasız etedi, COVID-19 belgileri bolğan jağdayda onı infekciyalıq stacionarğa emdeuge jatqızuğa jiberedi. COVID-19 belgileri bolmağan kezde oğan COVID-19 ıqtimal simptomdarı turalı jäne baratın jerine kelgen soñ MSAK wyımına jüginu jäne COVID-19-ğa tekserudiñ oñ nätijesi turalı habarlau qajettiligin tüsindiredi. DSB osı qaulığa 43-qosımşağa säykes tiisti qolhattı aladı. TKQSQBD jäne DSB kelgen adamnıñ mejeli ornındağı TKQSQBD jäne DSB-ğa COVID-19-ğa tekserudiñ oñ nätijesi bar adamnıñ jüretin jolı turalı habarlaydı.

3) Qazaqstan Respublikasına şet elden kelgen Qazaqstan Respublikasında akkredittelgen diplomatiyalıq ökildikterdiñ, konsuldıq mekemelerdiñ jäne halıqaralıq wyımdar ökildikteriniñ qızmetkerleri jäne olardıñ otbası müşeleri twratın/bolatın jerinde COVID-19-ğa zerthanalıq tekseruge jatadı. Olarmen osı qaulığa 33-qosımşağa säykes tiisti qolhattı ala otırıp, COVID-19 ıqtimal simptomdarı turalı tüsindirme jürgiziledi.

4) vahtalıq ädispen jwmıs isteytin, «Teñizşevroyl» JŞS ob'ektilerinen demobilizaciyalanğan adamdar COVID-19-ğa zerthanalıq tekseru jürgizu üşin kelgen ornı boyınşa karantindik stacionarda 2 täulikke deyin oqşaulauğa jatadı, oñ nätijeli adamdar emdeu üşin infekciyalıq stacionarğa auıstırıladı, COVID-19-ğa teris nätijeli adamdar 12 täulik boyı üyde (üy karantini) oqşaulanadı. Üyde oqşaulau üşin jağday bolmağan kezde jergilikti atqaruşı organdar ayqındağan üy-jaylarda oqşaulau wsınıladı.

5) tiisti aumaqtıñ, köliktegi Bas memlekettik sanitariyalıq därigeri öñirdegi jäne älemdegi qalıptasqan epidemiologiyalıq jağdaydı eskere otırıp, şet elderden kelgen jolauşılardı karantindeu turalı şeşim qabıldauğa qwqılı.

"The Qazaq Times"