قازاقستان كوروناۆيرۋسقا قارسى AstraZeneca ۆاكتسيناسىن وندىرۋشىلەرمەن كەلىسسوزدى توقتاتتى.

«سك-فارماتسيا» كومپانياسى باسقارماسىنىڭ توراعاسى ەرحات ەسقاليەۆ قازىر Pfizer ۆاكتسيناسىن وندىرۋشىلەرمەن كەلىسسوز جالعاسىپ جاتقانىن مالىمدەدى. AstraZeneca ەكپەسىنە قاتىستى نەگاتيۆ كوپ بولعاندىقتان، قازاقستان كەلىسسوزدى توقتاتقان.

ناۋرىزدىڭ سوڭىندا AstraZeneca كومپانياسى قايتا تەكسەرىستەن سوڭ پرەپاراتتىڭ تيىمدىلىگىن 85%-دان 79%-عا تۇسىرگەن.

15 ناۋرىزدا نيدەرلاند بيلىگى AstraZeneca ەكپەسىنىڭ جاناما اسەرى تۋرالى حابارلانعاننان كەيىن، وسى پرەپاراتپەن حالىقتى ۆاكتسيناتسيالاۋ پروتسەسىن توقتاتىپ تاستاعان ەدى. ال وعان دەيىن يرلانديا، يسلانديا، دانيا جانە نورۆەگيا وسىنداي شەشىم قابىلداعان بولاتىن.

"The Qazaq Times"