اقمولا وبلىسىنداعى جارقايىڭ اۋدانىڭ ورتالىعى دەرجاۆينسك قالاسىنىڭ اتاۋى كەنەسارى بولىپ وزگەرتىلدى. بۇنداي شەشىمدى اۋدانىنىڭ تۇرعىندارى جينالىستا قابىلداعان.

قالا اتىن وزگەرتۋ تۋرالى تۇرعىندار داۋىس بەرگەن.

– داۋىس سانى ەسەپتەلدى، باقىلاۋشىلار بولدى. 325 ادام تىركەلگەن، 321 بيۋللەتەن بەرىلگەن. قالا اتاۋىن كەنەسارى دەپ وزگەرتۋدى 192 ادام قولداعان، 125 ادام قارسى داۋىس بەردى. 4 ادام قالىس قالدى, – دەپ ايتىلعان جيىندا.

دەرجاۆينسك 1956 جىلى ىرگە تاسى قالانعان. جارقايىڭ اۋدانىنىڭ ورتالىعى. 1966 جىلعا دەيىن كەنت بولعان. وبلىس ورتالىعىنان 320 شاقىرىمداي الىستاعى قالادا 2020 جىلعى ساناق بويىنشا 6 مىڭعا تارتا تۇرعىن قونىستانعان.