اقش اكىمشىلىگىندە كوروناۆيرۋستىڭ ۋحانداعى زەرتحانادان تاراعانى تۋرالى دەرەكتەر بار. مۇنداي مالىمدەمەنى ABC تەلەارناسىندا اقش مەملەكەتتىك حاتشىسى مايك پومپەو جاسادى.

دالەلىڭىز بار ما دەگەن سۇراققا اقش سىرتقى ىستەر دەپارتامەنتىنىڭ باستىعى: «ۆيرۋستىڭ سول جەردەن تاراعانى جايلى دالەلدەر بار. ءبىز بۇعان دەيىن دە قىتاي ۆيرۋسى ەكەنىن بىرنەشە مارتە ايتقان بولاتىنبىز»، — دەپ جاۋاپ بەردى.

اقش مەملەكەتتىك حاتشىسى كەزەكتى مارتە قىتاي بيلىگى كوروناۆيرۋستىڭ تارالۋى تۋرالى كەيبىر اقپاراتتى جاسىرىپ وتىرعانىن ايتتى. پومپەو: «قىتاي بۇرىن دا الەمگە ۆيرۋس تاراتقان. ولاردا ارنايى ستاندارتتارعا سايكەس كەلمەيتىن زەرتحانالار بار. بيىل شىققان كوروناۆيرۋس قىتاي زەرتحاناسىندا جىبەرىلگەن قاتەلىك سالدارىنان پايدا بولعان ءبىرىنشى دەرت ەمەس. قازىرگى ۋاقىتتا زياتكەرلىك قوعامداستىق جۇمىس ىستەپ جاتىر. زەرتتەۋلەردى جالعاستىرامىز»، — دەيدى.

بۇل ماسەلەدە قىتاي تاراپىنىڭ ۇستانىم باسقا. قىتاي سىرتقى ىستەر ءمينيسترىنىڭ ورىنباسارى لە يۋچەن 29 ساۋىردە NBC تىلشىلەرىنە بەرگەن سۇحباتىندا كوروناۆيرۋسقا بايلانىستى بەيجىڭنەن وتەماقى الاپ ەتۋ تالاپ كۇلكىلى جانە «ساياسي فارس» دەگەن. ديپلوماتتىڭ ويىنشا، «كەيبىر ساياساتكەرلەر ۆيرۋستى ايتۋ ارقىلى قىتايدى قورلاپ وتىر».

"The Qazaq Times"