АҚШ әкімшілігінде коронавирустың Ухандағы зертханадан тарағаны туралы деректер бар. Мұндай мәлімдемені ABC телеарнасында АҚШ мемлекеттік хатшысы Майк Помпео жасады.

Дәлеліңіз бар ма деген сұраққа АҚШ сыртқы істер департаментінің бастығы: «Вирустың сол жерден тарағаны жайлы дәлелдер бар. Біз бұған дейін де Қытай вирусы екенін бірнеше мәрте айтқан болатынбыз», — деп жауап берді.

АҚШ мемлекеттік хатшысы кезекті мәрте Қытай билігі коронавирустың таралуы туралы кейбір ақпаратты жасырып отырғанын айтты. Помпео: «Қытай бұрын да әлемге вирус таратқан. Оларда арнайы стандарттарға сәйкес келмейтін зертханалар бар. Биыл шыққан коронавирус Қытай зертханасында жіберілген қателік салдарынан пайда болған бірінші дерт емес. Қазіргі уақытта зияткерлік қоғамдастық жұмыс істеп жатыр. Зерттеулерді жалғастырамыз», — дейді.

Бұл мәселеде Қытай тарапының ұстаным басқа. Қытай Сыртқы істер министрінің орынбасары Ле Ючэнь 29 сәуірде NBC тілшілеріне берген сұхбатында коронавирусқа байланысты Бейжіңнен өтемақы алап ету талап күлкілі және «саяси фарс» деген. Дипломаттың ойынша, «кейбір саясаткерлер вирусты айту арқылы Қытайды қорлап отыр».

"The Qazaq Times"