توتەنشە جاعداي جاريالانعاننان بەرى قازاقستاندا بيلىك الەۋمەتتىك جەلىلەر مەن اقپارات قۇرالدارىنداعى وكىمەت جۇمىسىن وتكىر سىناعانداردى مۇقيات باقىلاپ، جۋرناليستەردى تەرگەپ سوتپەن قۋدالاپ وتىر دەگەن حالىقارالىق "شەكاراسىز تىلشىلەر" ءباسپاسوز قورعاۋ ۇيىمى (RSF) قازاقستان بيلىگىن ىندەت جايلى حابار تاراتقان جۋرناليستەردى قۋدالاماۋعا شاقىردى.

ۇيىم وكىلدەرى پوليتسيا قىزمەتكەرلەرىنىڭ وتكەن اپتادا Facebook-تاعى جازباسى ءۇشىن شىمكەنتتىك جۋرناليست ءارى بلوگەر زاۋرە مىرزاقوجاەۆانى جەتى ساعات بويى تەرگەلگەنى تۋرالى، ءجۋرناليستىڭ سوزىنشە پوليتسيا "توتەنشە جاعداي كەزىندە جالعان اقپارات تاراتۋ" ءىسىن زەرتتەپ جاتقانىن ايتىپ، ول جايلى مالىمەت بەرمەۋ تۋرالى قولحات العانىن مالىمدەمەدى.

"قوعامدا دۇربەلەڭ تۋدىرماۋدى جەلەۋ ەتىپ قازاقستان بيلىگى جۋرناليستەر مەن بلوگەرلەردى قۋدالاپ جاتىر، ەپيدەميا تۋرالى [بلوگەرلەر تاراتقان] حابارلامالار رەسمي اقپاراتپەن سايكەس كەلمەيدى" دەدى 30 ساۋىردە ۇيىمنىڭ شىعىس ەۋروپا جانە ورتالىق ازيا جونىندەگى بيۋرو جەتەكشىسى جاننا كاۆەلە.

حالىقارالىق "شەكاراسىز تىلشىلەر" ءباسپاسوز قورعاۋ ۇيىمى وسىلاي ەسكەرتۋ ايتىپ جاتقاندا كەشە عانا 31 ارناداعى "شىنى كەرەك" جوباسىنىڭ جۇرگىزۋشىسى، بەلگەلى جۋرناليست يرينا سوۆەتجانقىزى ءوزىنىڭ Facebook-تاعى پاراقشاسىندا «12-اۋرۋحانا مەنىڭ ۇستىمنەن پوليتسياعا ارىز ءتۇسىرىپتى(.فب جازعان جازبالارىم ءۇشىن. ورتالىق كلينيكالىق اۋرۋحاناداعى العاشقى كوۆيد دەرەكتەرىن انىقتاعانىم ءۇشىن، ينفەكتسيا وشاعى رەتىندە نەگە جاپپايسىزدار دەپ ءمينيستردى بەلگىلەپ، فەيسبۋككە پوست سالعانىم ءۇشىن...» دەپ ءوزىنىڭ ۇستىنەن ارىزدى اۋرۋحانانىڭ بۇرىنعى باس دارىگەرى الماس دجۋۆاشەۆتىڭ اتىنان 12-اۋرۋحانا زاڭگەرى جازىلعانىن جاريالادى.

"شەكاراسىز تىلشىلەر" ۇيىمىنىڭ وتكەن اپتادا جاريالانعان "دۇنيەجۇزىلىك ءباسپاسوز ەركىندىگى يندەكسىندە" قازاقستان 180 ەلدىڭ اراسىندا 157 ورىندا تۇر.

"The Qazaq Times"