فرانتسيا پرەزيدەنتى ەممانۋەل ماكرون ەلدەگى كارانتين مەرزىمىن 11 مامىرعا دەيىن ۇزارتتى.

كوروناۆيرۋس پاندەمياسى جونىندە حالىققا ۇندەۋىن جاساعان ەممانۋەل ماكرون سوزىندە: «گراند-ەست پەن يل-دە-فرانس وڭىرلەرىندەگى احۋال ءالى دە وتە كۇردەلى. ول جاقتا ناۋقاستاردى قابىلداۋ ءۇشىن اۋرۋحانالاردا بوس ورىن بولماي تۇر. سوندىقتان ءبىز وسى ءبىر قيىن كەزەڭدە بىرگە بولىپ، ەنگىزىلىپ جاتقان ەرەجەلەرگە نەمقۇرايلى قاراماۋىمىز كەرەك. ويتكەنى قانشا ادامنىڭ ءومىرىن الىپ قالاتىنىمىز تىكەلەي سونىمەن بايلانىستى»، — دەيدى.

نەگىزىنەر فرانتسياداعى شەكتەۋ شارالارى 15 ساۋىردە اياقتالۋى ءتيىس ەدى. ۇندەۋ بارىسىندا  فرانتسيا باسشىسى قوعامدىق ءىس-شارالارعا قاتىستى تىيىم جازدىڭ ورتاسىنا دەيىن ساقتالاتىنىن جەتكىزدى. بىراق ەلدەگى ءبىلىم بەرۋ مەكەمەلەرى مامىردىڭ ون بىرىنەن باستاپ قايتا جۇمىسقا كىرىسەدى. ال ەۋروپالىق ەمەس مەملەكەتتەرگە ەل شەكاراسى كارانتين مەرزىمى اياقتالعان سوڭ دا جابىق كۇيدە قالا بەرمەك. مەملەكەت باسشىسىنىڭ ايتۋىنشا، قازىر فرانتسيادا كوروناۆيرۋستىڭ قارقىنى باسەڭدەي باستاعان. سوڭعى دەرەكتەرگە سۇيەنسەك، فرانتسيادا 138 مىڭ ناۋقاس تىركەلىر، 15 مىڭعا جۋىق ادام قايتىس بولعان.

"The Qazaq Times"