قر اقپارات جانە قوعامدىق دامۋ ءمينيسترى داۋرەن اباەۆ كوروناۆيرۋسپەن كۇرەسكە قانشا قارجى جۇمسالاتىنى جانە قانداي ماقساتقا باعىتتالعانى جايلى مالىمدەمە جاسادى.
كوروناۆيرۋسپەن كۇرەسكە تىكەلەي بولىنگەن قارجى مالىمەتىنە توقتالعان مينيستر، «بۇل تۇرعىدا پرەزيدەنت جاريالاعان داعدارىسقا قارسى شارلارعا قاتىستى ەمەس. كوروناۆيرۋسقا قارسى كۇرەس شارالارىنا قارجى ۇكىمەت رەزەرۆىنەن ءۇش رەت ءبولىندى»، - دەدى.
وسى ورايدا 29 قاڭتارداعى ءبىرىنشى ترانش اياسىندا 1 ملرد 609 ملن تەڭگە، 21 اقپاندا قوسىمشا 428 ملن 227 مىڭ تەڭگە ءبولىندى. سونداي-اق ءۇشىنشى رەت 25 ناۋرىزدا 21 ملرد 430 ملن تەڭگە باعىتتالدى. بۇل قارجى دارىلىك زاتتاردى، مەديتسينالىق جابدىقتار مەن زەرتحانالىق قۇرالداردى الۋعا، سونىمەن قاتار مەديتسينالىق ماسكا مەن قولعاپ، قورعانىس كيىمدەرى مەن تەستىلەرگە ءبولىندى.
مۇنىمەن قوسا، بۇل شىعىندار ازاماتتاردى ەۆاكۋاتسيالاۋعا، شۇعىل مەديتسينالىق كومەككە، دەزينفەكتسيا زاتتارىن الۋعا جانە باسقا دا قاجەتتى شارالارعا نەگىزدەلدى. «كوروناۆيرۋسپەن كۇرەسكە جۇمىلدىرىلعان مەديتسينالىق قىزمەتكەرلەرگە ۇستەمە تولەم جاساۋ ماقساتىندا بيۋدجەتتى ناقتىلاۋعا ءوتىنىم جەكە ەنگىزىلدى»، - دەدى د. اباەۆ.
ايتا كەتەيىك، قازاقستاندا كوروناۆيرۋس جۇقتىرعاندار سانى 386 ادام بولدى. 1 ساۋىردە قاراعاندىدا ءبىر ادام ۆيرۋستان كوز جۇمدى. 26 ادام دەرتتەن ايىقتى. ءۇش ادام Covid-19 دەرتىنەن قايتىس بولدى. ال الەم بويىنشا قاۋىپتى دەرتكە شالدىققاندار سانى 1 ميلليونعا جۋىقتاعان.
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى