قىرعىزستاندا ەكس-پرەزيدەنت المازبەك اتامباەۆ جاقتاستارى مەن كۇشتىك قۇرىلىمدار اراسىنداعى قاقتىعىس بويىنشا سوت توتەنشە جاعدايعا بايلانىستى كەيىنگە شەگەرىلدى.

ازىرگە سوتتىڭ ناقتى قاشان جالعاساتىنى بەلگىسىز.

بۇل ءىس بويىنشا جالپى 14 ادامعا، ونىڭ ىشىندە پرەزيدەنت اپپاراتىنىڭ بۇرىنعى باسشىسى فاريد نيازوۆقا، ۇلتتىق پارلامەنت دەپۋتاتتارى اسەل قودىرانوۆا مەن يرينا كارامۋشكيناعا ايىپ تاعىلعان. ەلدىڭ بۇرىنعى پرەزيدەنتى سوت عيماراتىنا ۇلتتىق قاۋىپسىزدىك كوميتەتىنىڭ تەرگەۋ يزولياتورىنان جەتكىزىلدى.

المازبەك اتامباەۆقا قۇقىق قورعاۋ ورگاندارىنىڭ قىزمەتكەرلەرىنە قوقان-لوقى كورسەتتى، جاپپاي تارتىپسىزدىك ورناتتى، كريمينالدى توپ باسشىسى ءازيز باتۋكاەۆقا قولداۋ كورسەتتى، بىشكەك جەو قايتا قۇرۋ كەزىندە جەمقورلىق جاسادى، بىشكەكتەگى «فورۋم» ونەركاسىپ عيماراتىنىڭ باسشىلىعىمەن زاڭسىز مامىلەگە كەلدى جانە ەسىك وبلىسىنداعى قوي-تاش، ىستىقكولدە جەر ۋچاسكەلەرىن زاڭسىز جولمەن الدى دەگەن ايىپتار تاعىلعان. سونىمەن قاتار جوعارىدا اتالعان ايىپتاۋلاردىڭ ىشىندە «ەكس-پرەزيدەنت ادام ولتىرمەك بولدى جانە ادام بوپسالادى» دەگەن ءبولىم دە بار.

"The Qazaq Times"