فوتو: www.belta.by

پاريج سوتى جەمقورلىق بويىنشا كۇدىككە ىلىنگەن ەلدىڭ بۇرىنعى پرەزيدەنتى نيكوليا ساركوزيدى ءۇش جىلعا باس بوستاندىعىنان ايىردى.

سوت شەشىمى بويىنشا ساركوزي جىل ءۇي قاماقتا بولا الادى، ال ونىڭ قوزعالىسىن باقىلاۋ ءۇشىن ەلەكتروندى بىلەزىك قولدانىلادى.  دال وسىنداي ۇكىم ەكس-پرەزيدەنتتىڭ ادۆوكاتى تەرري ەرتسوگقا دا شىعارىلدى.

66 جاستاعى ساركوزي «ساياسي باسەكەلەستەردىڭ ۇيىمداستىرعان قاستاندىعى» دەپ، وزىنە تاعىلعان ايىپتاۋلاردى جوققا شىعارىپ وتىر.

ۇلتتىق قارجى پروكۋراتۋراسى بىلتىر جەلتوقساندا ساركوزيدى ءتورت جىلعا باس بوستاندىعىنان ايىرۋدى تالاپ ەتتى (ولاردىڭ ەكەۋى شارتتى تۇردە). پروكۋراتۋرا ءوزىنىڭ بۇرىنعى ادۆوكاتى تەرري ەرزوگ پەن كونستيتۋتسيالىق سوتتىڭ بۇرىنعى سۋدياسى گيلبەرت ازيبەرگە دە وسىنداي جازا قولدانۋدى تالاپ ەتكەن.

2013 جىلى سوت ساركوزيدى جەمقورلىق ءىسى بويىنشا اقتاپ شىعارعان. بىراق باسقا ءىستى تەكسەرۋ كەزىندە ونىڭ ادۆوكاتپەن اڭگىمەسى جازىلىپ، ەكس-پرەزيدەنتكە قارسى جاڭا ايعاقتار پايدا بولعان. 2017 جىلى دا نيكوليا ساركوزيدىڭ باسى داۋعا قالعان. سول جىلى ساركوزي «FIFA جەمقورلىق داۋىنىڭ بەلدى قاتىسۋشىلارىنىڭ ءبىرى» دەگەن كۇدىككە ءىلىندى. اتاپ ايتقاندا، ول 2022 جىلى الەم چەمپيوناتىن وتكىزۋ مارتەبەسىن كاتارعا جەڭىپ الۋعا كومەكتەسكەنى ءۇشىن بىرنەشە زاڭسىز قارجى وپەراتسيالارىن جاساعان. FIFA جەمقورلىق داۋىن تەكسەرۋشى توپتىڭ زەرتتەۋلەرى بويىنشا، نيكوليا ساركوزي كاتارعا پسج (پاري سەن-جەرمەن) فۋتبول كلۋبىن، Qatari Diar ينۆەستيتسيالىق  كومپانياسىنا فرانتسيالىق كوممۋنالدى قىزمەت تۇرلەرىن كورسەتەتىن كومپانيانى ساتقان.

بۇدان بولەك FIFA باسشىلىعى بۇعان دەيىن دە فرانتسيانىڭ ەكس-پرەزيدەنتىن جەمقورلىققا بارۋ ارقىلى كاتارعا 2022 جىلى الەم چەمپيوناتىن وتكىزۋ قۇقىعىن جەڭۋگە كومەكتەستى دەپ ايىپتاعان بولاتىن.

نيكوليا ساركوزي 2007 جانە 2012 جىلدار ارالىعىندا فرانتسيا پرەزيدەنتى بولعان. ول 2012 جىلعى پرەزيدەنت سايلاۋىندا ەكىنشى تۋردا فرانسۋا وللاندتان جەڭىلىپ، ەكىنشى رەت مەملەكەت باسشىسى بولۋ مارتەبەسىنەن ايىرىلدى.

"The Qazaq Times"