Qırğızstanda eks-prezident Almazbek Atambaev jaqtastarı men küştik qwrılımdar arasındağı qaqtığıs boyınşa sot tötenşe jağdayğa baylanıstı keyinge şegerildi.

Äzirge sottıñ naqtı qaşan jalğasatını belgisiz.

Bwl is boyınşa jalpı 14 adamğa, onıñ işinde prezident apparatınıñ bwrınğı basşısı Farid Niyazovqa, wlttıq parlament deputattarı Äsel Qodıranova men Irina Karamuşkinağa ayıp tağılğan. Eldiñ bwrınğı prezidenti sot ğimaratına wlttıq qauipsizdik komitetiniñ tergeu izolyatorınan jetkizildi.

Almazbek Atambaevqa qwqıq qorğau organdarınıñ qızmetkerlerine qoqan-loqı körsetti, jappay tärtipsizdik ornattı, kriminaldı top basşısı Äziz Batukaevqa qoldau körsetti, Bişkek JEO qayta qwru kezinde jemqorlıq jasadı, Bişkektegi «Forum» önerkäsip ğimaratınıñ basşılığımen zañsız mämilege keldi jäne Esik oblısındağı Qoy-Taş, Istıqkölde jer uçaskelerin zañsız jolmen aldı degen ayıptar tağılğan. Sonımen qatar joğarıda atalğan ayıptaulardıñ işinde «eks-prezident adam öltirmek boldı jäne adam bopsaladı» degen bölim de bar.

"The Qazaq Times"