كحدر جاپون تەڭىزىنە قاراي ۇزاقتىعى 230 شاقىرىم بولاتىن ەكى قىسقا قاشىقتىققا باعىتتالعان بالليستيكالىق زىمىرانداردى ۇشىردى. بۇل تۋرالى Yonhap اگەنتتىگى كورەيا رەسپۋبليكاسى شتاب باستىقتارى كوميتەتىنىڭ مالىمدەمەسىنە سىلتەمە جاساپ حابارلادى.

سەۋل مەن توكيو: «سولتۇستىك كورەيانىڭ مۇنداي ارەكەتتەرى بۇكىل الەم قيىن كەزەڭدەردى باستان وتكەرىپ جاتقان جاعدايدا ورىنسىز جانە ءبىز كحدر-دەن زىمىران ۇشىرۋدى تەز ارادا توقتاتۋدى تالاپ ەتەمىز»، — دەيدى. جاپونيا قورعانىس ءمينيسترى تارو كونو اتاپ وتكەندەي، قازىرگى ۋاقىتتا جاپون اسكەرى قولدا بار دەرەكتەرگە ەگجەي-تەگجەيلى تالداۋ جۇرگىزۋدە.

22 ناۋرىزدا كورەيانىڭ ورتالىق تەلەگراف اگەنتتىگى كحدر مەملەكەتتىك كەڭەسىنىڭ توراعاسى كيم چەن ىن رەسپۋبليكادا جاڭا تاكتيكالىق راكەتالاردىڭ ۇشىرىلۋىن باقىلاپ جاتقانىن حابارلادى. وڭتۇستىك كورەيانىڭ شتاب باستىقتارى كوميتەتىنىڭ حابارلاۋىنشا، سودان كەيىن كحدر ەلدىڭ شىعىس جاعالاۋىنداعى پيونگان-پۋكتو پروۆينتسياسىنان ەكى قىسقا قاشىقتىققا باعىتتالعان بالليستيكالىق زىمىران ۇشىرعان.

2 جانە 9 ناۋرىزدا كيم چەن ىن قىسقا قاشىقتىققا ارنالعان بالليستيكالىق زىمىراندار ۇشىرىلعان ارتيللەريالىق جاتتىعۋلاردى باسقاردى.

بىلتىر اقش-پەن ۇزاققا سوزىلىپ كەتكەن يادرولىق قارۋسىزداندىرۋ بويىنشا كەلىسسوزدەر اياسىندا سولتۇستىك كورەيا زىمىرانداردى 13 رەت سىناقتان وتكىزگەن بولاتىن. رەسمي پيوڭياڭ بۇل سىناقتاردى امەريكا مەن وڭتۇستىك كورەيا اراسىنداعى بىرلەسكەن جاتتىعۋعا قارسىلىق ەسەبىندە جۇرگىزىپ وتىرعانىن مالىمدەگەن.

"The Qazaq Times"