كەشە، ناۋرىزدىڭ 3-ءى شىمكەنتتەگى اكىمشىلىك يزولياتوردىڭ جانە ورالداعى اكىمدىك عيماراتىنىڭ الدىنا جينالعان ون شاقتى ازامات جاكىشەۆتەن وزگە دە «ساياسي تۇتقىنداردى» بوساتۋدى تالاپ ەتتى.

شىمكەنت بەلسەندىلەرى وسىعان دەيىن بىرنەشە رەت قامالعان مۇرات بايداۋلەتوۆتى كەزەكتى اكىمشىلىك جازاسىن وتەپ شىعۋىمەن كۇتىپ الدى.

«مۇحتار جاكىشەۆ ساياسي كوزقاراسى ءۇشىن سوتتالدى» دەپ سانايتىن ولار «قازاقستاندا ساياسي تۇتقىندار كوپ، ولاردىڭ ءبارى دە بوساتىلۋى كەرەك» دەگەن تالاپ قويدى. سونداي-اق ازاتتىقتىڭ ايتۋىنشا، نارازىلار قولىنا «ساياسي تۇتقىندارعا بوستاندىق!» دەگەن جازۋى بار پلاكات ۇستاپ شىققان ءارى «كوشە پارتياسى جاساسىن!» دەپ ۇرانداتىپتى.

ءدال وسى كۇنى ورال قالاسىنىڭ اكىمدىگى الدىنداعى اباي الاڭىندا  ۇش «ساياسي تۇتقىنداردى دەرەۋ بوساتۋدى جانە بەلسەندىلەردى قۋدالاماۋدى» تالاپ ەتتى.

ازاتتىقتىڭ حابارلاۋىنشا، اكتسياعا قاتىسقانداردىڭ قولىندا «ساياسي تۇتقىندارعا بوستاندىق! ارون اتابەك، ماكس بوقاەۆ، مۇحتار جاكىشەۆ» دەگەن جازۋى بار پلاكات بولعان.

زەينەتكەر قاليوللا گۋماروۆ «دۋلات اعادىلدى ءولتىردى. جاكىشەۆتىڭ دەنساۋلىعى ناشارلاعانىن ەستىدىك. مۇحتار جاكىشەۆتىڭ تالانتىن ءبارى مويىندايدى. ونىڭ ەش كىناسى جوق. مەن ءوزىم ناۋقاسپىن. بىراق سوعان قاراماستان الاڭعا كەلدىم. بارلىق ساياسي تۇتقىنداردى بوساتۋدى تالاپ ەتەمىن»، – دەيدى.

جارتى ساعاتقا سوزىلعان اكتسيا بارىسىندا ءوزىن اكىمدىك وكىلى دەپ تانىستىرعان قىزمەتكەر پيكەتتى توقتاتۋعا شاقىرعانىمەن نارازىلار وعان قۇلاق اسپاعان.

كەشە 2009 جىلدىڭ مامىر ايىنان بەرى اباقتىدا وتىرعان تەحنوكرات ونەرتاپقىش، «قازاقاتومونەركاسىپ» كومپانياسىن ون جىل باسقارعان بۇرىنعى ، قۇقىق قورعاۋشىلار «ساياسي تۇتقىن» ساناتىنا قوسقان مۇحتار جاكىشەۆكە سوت مەرزىمىنەن بۇرىن شارتتى تۇردە بوساتۋعا ۇكىم شىعاردى.

“The Qazaq Times”