ەۋروكوميسسيا گرەكياعا ميگراتسيالىق داعدارىسپەن كۇرەسۋ ءۇشىن 700 ميلليون ەۋرو ءبولدى. بۇل تۋرالى ۇيىم باسشىسى ۋرسۋلا فون دەر ليايەن مالىمدەدى.
سونىمەن قاتار، ەۋروپالىق وداق گرەكياعا 7 كەمە، 1 ۇشاق جانە 2 تىكۇشاق بەرەتىنىن جەتكىزدى. ماقسات – تۇركيادان ەۋروپاعا اعىلعان ميگرانتتار لەگىن توقتاتۋ.
وتكەن اپتادا ءسۇريانىڭ يدليب پروۆينتسياسىنداعى جاعداي ۋشىعىپ، تۇركيا سۇريالىق بوسقىنداردىڭ ەۋروپاعا وتۋىنە كەدەرگى جاسامايتىنىن مالىمدەدى. سالدارىنان سوڭعى بىرنەشە كۇندە گرەكيانىڭ شەكاراسىنا مىڭداعان بوسقىن جينالىپ، ەۋروپاعا قايتا ميگراتسيالىق داعدارىس قاۋپى ءتوندى.
گرەكيانىڭ ۇكىمەتى جاساعان مالىمدەمەدە ميگرانتتاردىڭ گرەكياعا ۇلكەن باسىمدىق الىپ كەلگەنىن، ال انكارانى سوعان جول بەرىپ وتىر دەپ ايىپتادى. بىراق، جەكسەنبىدە تۇركيا پرەزيدەنتى رەجەپ تايىپ ەردوعان مالىمدەمە جاساپ، تۇركيا بوسقىنداردىڭ جاڭا اعىمىن توقتاتا المايتىنىن ايتتى.
ءيدليبتىڭ وزىندە باشار اسادقا قارسى كۇشتەردىڭ باقىلاۋىندا 3,5 ملن شاماسىندا بوسقىن بار. يدليبتەگى سوعىس تەرەڭدەي تۇسسە وندا بوسقىنداردىڭ جاڭا تولقىنى پايدا بولىپ، بۇل تۇركياعا عانا ەمەس وعان جاقىن ەۋروپا ەلدەرىنە دە ۇلكەن الەۋمەتتىك داعدارىس الا كەلۋى مۇمكىن. يدليب سوعىسىنا كوپ ەلدىڭ باسا نازار اۋدارىپ وتىرعانى دا سول.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى