فوتو: https://tsargrad

جاپونيا ۇكىمەتى كەزەكتى مارتە زىمىران ۇشىرعان كحدر باسشىلىعىنا نارازىلىق نوتاسىن جولدادى. بۇل تۋرالى Kyodo اگەنتتىگى حابارلادى.

كەشە سولتۇستىك كورەيا وڭتۇستىك كورەيا اۋماعىنا انىقتالماعان مودەلدەگى زىمىران ۇشىرعان. بۇعان دەيىن پرەزيدەنتتىڭ جاڭاجىلدىق جولداۋىندا پيوڭياڭ جاقىن ارادا «جاڭا ستراتەگيالىق قارۋدىڭ» پايدا بولاتىنىن جانە «كۇتپەگەن ارەكەتتەر» تۋرالى ەسكەرتكەن بولاتىن. Yonhap اگەنتتىگىنىڭ حابارلاۋىنشا، «ستراتەگيالىق قارۋ» سۋاستى قايىعىنان جىبەرىلەتىن قۇرلىقارالىق بالليستيكالىق راكەتانىڭ نەمەسە بالليتيسكالىق راكەتانىڭ جەتىلدىرىلگەن ءتۇرى بولۋى مۇمكىن.

بىلتىر اقش-پەن ۇزاققا سوزىلعان يادرولىق قارۋسىزداندىرۋ بويىنشا كەلىسسوزدەر اياسىندا سولتۇستىك كورەيا زىمىرانداردى 13 رەت سىناقتان وتكىزگەن بولاتىن. رەسمي پيوڭياڭ بۇل سىناقتاردى امەريكا مەن وڭتۇستىك كورەيا اراسىنداعى بىرلەسكەن جاتتىعۋعا قارسىلىق ەسەبىندە جۇرگىزىپ وتىرعانىن مالىمدەگەن.

"The Qazaq Times"