Фото: https://tsargrad

Жапония үкіметі кезекті мәрте зымыран ұшырған КХДР басшылығына наразылық нотасын жолдады. Бұл туралы Kyodo агенттігі хабарлады.

Кеше Солтүстік Корея Оңтүстік Корея аумағына анықталмаған модельдегі зымыран ұшырған. Бұған дейін президенттің жаңажылдық жолдауында Пиоңяң жақын арада «жаңа стратегиялық қарудың» пайда болатынын және «күтпеген әрекеттер» туралы ескерткен болатын. Yonhap агенттігінің хабарлауынша, «стратегиялық қару» суасты қайығынан жіберілетін құрлықаралық баллистикалық ракетаның немесе баллитискалық ракетаның жетілдірілген түрі болуы мүмкін.

Былтыр АҚШ-пен ұзаққа созылған ядролық қарусыздандыру бойынша келіссөздер аясында Солтүстік Корея зымырандарды 13 рет сынақтан өткізген болатын. Ресми Пиоңяң бұл сынақтарды Америка мен Оңтүстік Корея арасындағы бірлескен жаттығуға қарсылық есебінде жүргізіп отырғанын мәлімдеген.

"The Qazaq Times"