فانتاس جازۋشى ستيۆەن كينگ. فوتو: redrumers

29 ناۋرىز كۇنى نيۋ-يوركتە اقش-تىڭ تانىمال  «The Rook» اتتى كوميكس جاساۋشىلارى اتاقتى جازۋشى ستۆيەن كينگكە وزدەرىنىڭ باستى كەيىپكەرىنىڭ وبرازىن «قاراڭعى قامال» سەريالى كىتابىنا «كوشىرىپ» العانى ءۇشىن 500 ميليون دوللار كولەمىندە وتەماقى تالاپ ەتتى دەپ حابارلايدى tmz.com.

ايىپتاۋشىنىڭ ايتۋى بويىنشا كينگتىڭ فانتاستيكالىق  كىتابىنىڭ باستى كەيىپكەرى  رولاند ديسكەين،  The Rook-ءتىڭ رەستين دەين كەيىپكەرىمەن بىردەي جانە مازمۇنىنداعى « ولاردىڭ ۋاقىت ساپارىنا شىعۋى، قۇبىجىقتارمەن ايقاسىپ، ءتۇرلى وقيعالاردى باستان كەشىرۋى» شىعارمادا كوپ  ۇقاساستىقتار تاپقان.ءتىپتى، دەين كەيىپكەرىنە سايكەس ديسكەيىن-دە كوۆبويلارشا كيىنگەن جانە ونداعى قامالدىڭدا وبرازى ۇقساس ەكەنىن العا تارتىپ وتىر.

رەستين دەين كوميكسى 1977 جىل مەن 1983 جىلدار ارالىعىندا جارىققا شىققان. ال كينگتىڭ «قاراڭعى قامال» سەريالى كىتابى 1982 جىلى باسپا بەتىن كورگەن. پورتالدىڭ حابارلاۋى بويىنشا بۇل اقپارات كينگتىڭ رومانىنىڭ جەلىسى بويىنشا تۇسىرىلگەن ءفيلمنىڭ جارناماسى كورەرمەنگە جول تارتقان كۇنى كەلىپ تۇسكەن. ءفيلمنىڭ الەمدىك پروكاتقا ءتۇسۋى شىلدە ايىنا جوسپارلانعان.

تۇرگەنبۇلاق

“The Qazaq Times”