بۇۇ باس اسسامبلەياسىنىڭ بۇگىنگى وتىرىسىندا اقش پرەزيدەنت جو بايدەن قىتاي باسشىسى شي جينپيڭمەن (سي تسزينپين) قاتار ءسوز سويلەيدى. بىراق، ەكى ەل جەتەكشىلەرى ورتاسىندا كەزدەسۋ بەلگىلەنبەگەن.

اق ءۇي ءباسپاسوز قىزمەتى وتكەن اپتادا پرەزيدەنت بايدەننىڭ 21 قىركۇيەكتەگى باس اسسامبلەيا وتىرىسىنا قاتىساتىن حابارلاعان جانە ونىڭ باس اسسامبلەياداعى العاشقى بايانداماسى COVID-19 پاندەمياسىن توقتاتۋ; كليماتتىڭ وزگەرۋى مەن كليماتتىق داعدارىستى شەشۋ; ادامدى قورعاۋ قۇقىقتار، دەموكراتيا جانە ەرەجەلەرگە نەگىزدەلگەن حالىقارالىق ءتارتىپ سەكىلدى تاقىرىپتار جونىندە بولاتىنىن ايتقان.

ال، دۇيسەنبى كۇنى قىتاي سىرتقى ىستەر مينيسترلىگى شي ءجينپيڭنىڭ 76-شى كەزەكتى اسسامبلەيادا بايانداما جاسايتىنىن مالىمدەگەن، الايدا بايانداما مازمۇنى تۋرالى ناقتى مالىمەت بەرمەدى.

بايدەن قىزمەتكە كىرىسكەننەن كەيىن، امەريكا قۇراما شتاتتارى يۋنەسكو مەن بىرىككەن ۇلتتار ۇيىمىنىڭ ادام قۇقىقتارى جونىندەگى كەڭەسىنە قايتا قوسىلدى، ول ترامپ ودان شىعاتىنىن مالىمدەدى. اقش پەن قىتاي جەتەكشىلەرى نيۋ-يورك قالاسىنداعى بۇۇ-نىڭ شتاب –پاتەرىنە ءبىر ۋاقىتتا بارعانىمەن ەكەۋ ارا كەزدەسۋ بەلگىلەنبەگەن.

The Qazaq Times