الەمدىك ادام حاقى قوزعالىسى Amnesty International حالىقارالىق قۇقىق قورعاۋ ۇيىمى 22 اقپان قازاقستان بيلىگىنىڭ كوپە-كورنەۋ ۇستاۋ ارەكەتى جايلى مالىمدەمە جاساپ, اكىمشىلىك جۇيەنى سەنبىدەگى بەيبىت ميتينگ كەزىندە قامالعان ازاماتتاردى دەرەۋ بوساتۋعا شاقىردى.
شتاب پاتەرى لوندوندا ورنالاسقان ۇيىمنىڭ دەرەگىنشە، 22 اقپان تاڭەرتەڭ الماتىدا وپپوزيتسيالىق پارتيانى تىركەۋدى، بيلىككە سىن ايتقانداردى قۋدالاۋدى توقتاتۋدى تالاپ ەتكەن 70-كە تارتا ادام ۇستالعان.
Amnesty International ۇيىمىنىڭ شىعىس ەۋروپا جانە ورتالىق ازيا بويىنشا ديرەكتورىنىڭ ورىنباسارى دەنيس كريۆوشەەۆ «قازاقستانداعى ادام قۇقىعى جاعدايى بۇرىن دا ناشار ەدى. ەندى ءتىپتى ناشارلاي ءتۇستى. بيلىككە سىن ايتقانداردان وسىنشاما قورقىپ، ولاردى قۋدالاۋ ۇكىمەتتىڭ ءسوز بوستاندىعىنان قانشالىقتى شوشيتىنىن كورسەتەدى», – دەدى.
كريۆوشەەۆ مالىمدەمەسىندە «دەموكراتيالىق پارتيا» قۇرۋدى كوزدەيتىن باستاماشىل توپ «بيلىك تاراپىنان جاسالعان قۋدالاۋ مەن قىسىمنان سوڭ» سەنبىگە جوسپارلانعان قۇرىلتاي سەزدەن باس تارتقان.
«دەمپارتيانى جانە باسقا وپپوزيتسيالىق توپتاردى قولداعانى ءۇشىن ۇستالعانداردى بوساتۋعا شاقىرامىز. قازاقستاندا پايدا بولىپ جاتقان وپپوزيتسيالىق توپتاردى قۋعىنداۋ – ماسقارا, ۇيات جاعداي (These attempts to crush Kazakhstan’s nascent opposition movement are shameful– حالىقارالىق ۇيىم مالىمدەمەسىنەن). ساياسي پارتيا قۇرۋ – ادام قۇقىعىنىڭ، ءسوز بوستاندىعىنىڭ، بەيبىت ميتينگىگە شىعۋدىڭ نەگىزى. قازاقستان بيلىگى ادام قۇقىقتارىن ساقتاپ، وپپوزيتسيانى قولداعانداردى يا نارازىلىققا شىعىپ ۇستالعانداردى بوساتۋى ءتيىس» دەلىنگەن رەسمي حابارلامادا.
22 اقپان الماتى، شىمكەنت، تاراز، اقتوبە قالالارى جانە استانادا ميتينگ وتەدى دەپ بەلگىلەنگەن جەرگە كەلگەن بەلسەندىلەردى پوليتسيا كۇشتەپ ۇستاپ اكەتتى. جەر-جەردە ۇستالعاندار «شال، كەت!»، «ويان، قازاقستان!»، «نازارباەۆ كەتسىن! داريعا كەتسىن!» دەپ ۇرانداتتى. شىمكەنتتەگى تاۋەلسىزدىك ساياباعىندا كۇزەت كۇشەيتىلىپ، 20-دان استام ادامدى پوليتسيا اكەتكەن. تارازدا دا ورتالىق كوشەلەردە ارنايى جاساق جۇمىلدىرىلدى. اقتوبە مەن استانادا پوليتسيا كەم دەگەندە ون ادامدى اكەتتى. ميتينگ جوسپارلانعان ايماقتاردا عالامتور جۇمىسى ناشارلاعان. ازىرگە ءىىم ۇستالعاندار تۋرالى رەسمي مالىمدەمە جاساعان جوق. دەسە دە ۇستالعان ازاماتتاردىڭ دەرەكقورىن ازىرلەپ، يزولياتورعا اس-سۋىن جەتكىزىپ جۇرگەن قۇقىق قورعاۋشىلار شامامەن 300-دەي ادام قامالعان دەيدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى