وسى اپتادا گرۋزيا، اقش جانە ۇلىبريتانيا گرۋزين ينتەرنەت-سايتتارىنا، سونىڭ ىشىندە پرەزيدەنت اكىمشىلىگى، ۇكىمەت، سوت پەن تەلەارنالارعا قارسى باعىتتالعان اۋقىمدى كيبەرشابۋىل جاسادى دەپ رەسەيگە ايىپ تاقتى. كيبەرشابۋىل، وزگە مەملەكەتتىڭ ىشكى ساياساتىنا قول سۇعۋ جانە سايلاۋعا ارالاسۋ سىندى ىستە رەسەيگە تاعىلعان العاشقى ايىپ ەمەس بۇل.
گرۋزين مەملەكەتتىك مەكەمەلەرى مەن باق-قا حاكەرلىك شابۋىل 2019 جىلدىڭ 28 قازانىندا بولدى: بىرنەشە تەلەارنالاردىڭ حابار تاراتا العان جوق، ۇكىمەتتىك سەرۆەرلەر بۇعاتتالىپ، بىرنەشە قوعامدىق مەكەمەلەردىڭ جۇمىسى توقتاتىلدى.
اقش-تىڭ مەملەكەتتىك حاتشىسى مايك پومپەو گرۋزياداعى كيبەرشابۋىلعا رەسەي باس شتابىنىڭ باس باسقارماسى مەن Sandstorm («پەسچانايا بۋريا») اسكەري ءبولىمى كىنالى دەپ مالىمدەدى. بىراق رەسمي كرەمل بارلىق ايىپتاۋلاردى جوققا شىعارىپ وتىر.
2017 جىلى ماۋسىمدا عالامتوردا كەڭ كولەمدە تاراعان «پەتيا» ۆيرۋسى كيبەرشابۋىلىنىڭ ارتىندا رەسەيدىڭ تۇرعانى ءمالىم بولعان. بۇل كيبەرشابۋىل FedEx كومپانياسىنا، كونتەينەرلىك جۇك تاسىمالداۋ الىبى ا.پ. ميۋللەر – Maersk Group-كە، فارماتسەۆتيكالىق ءوندىرۋشى Merck & Co. Inc. (MRK) كومپانياسى جانە كوپتەگەن ترانسۇلتتىق كومپانيالارعا اسەر ەتىپ، كوپ شىعىنعا ۇشىراتقان بولاتىن.
2018 جىلى اقپاندا امەريكاداعى كولۋمبيا وكرۋگىنىڭ فەدەرالدى سوتى رەسەيلىك «ينتەرنەت-زەرتتەۋ اگەنتتىگى» 2016 جىلعى پرەزيدەنتتىك سايلاۋعا ارالاستى دەپ رەسمي تۇردە ايىپتادى. تەرگەۋ قورىتىندىسىنا سايكەس، كومپانيا قىزمەتكەرلەرى اقش ازاماتتارىنىڭ اتىنان الەۋمەتتىك جەلىلەردە اككاۋنتتار اشىپ، جەلىدە حيللاري كلينتون مەن دەموكراتيالىق پارتياعا قاتىستى قۇپيا اقپاراتتاردى ورنالاستىرعان. ال رەسەيلىك كومپانيا باسشىسى، پرەزيدەنت ۆلاديمير ءپۋتيننىڭ «سەنىمدى سەرىگى» ەۆگەني پريگوجين ءوزىنىڭ «تروللدەر فابريكاسىنا» ەش قاتىسى جوق ەكەنىن جانە ونىڭ كومپانياسىنا تاعىلعان ايىپتىڭ جالعان ەكەنىن ايتىپ اقتالدى.
ۆلاديمير پۋتين رەسەيدىڭ اقش-تاعى پرەزيدەنتتىك سايلاۋعا ارالاسقانى تۋرالى ايىپتاردى تاعى دا تەرىسكە شىعارىپ: «سايلاۋدا جەڭىلىس تاپقان ادامدار باسقالاردى وزدەرىنىڭ قيىندىقتارىنا كىنالى ساناماۋى ءتيىس. اقش-تىڭ ءوزى بۇكىل الەمدە باسقا ەلدەردىڭ سايلاۋلارىنا بەلسەندى تۇردە ارالاسادى»، – دەگەن.
ەكىنشى قاۋىپ – قورعانىس سالاسىندا. رەسەي ارمياسىن جىل سايىن كەڭەيتىپ، ەۋروپا ەلدەرىمەن شەكارالاس اۋماقتا جانە ورتا شىعىستاعى اسكەري قادامدارىن جيىلەتە تۇسۋدە. ناتو-نىڭ جولىن توسىپ، ەۋروپا ەلدەرىن كولەمدى اسكەري وقۋ-جاتتىعۋلار باستاعان. رەسەيدىڭ ءبىرشاما دامىعان اسكەري ونەركاسىبى 2030 جىلعا دەيىن اسكەري تەحنيكالارىن تولىقتاي جاڭارتۋعا ارەكەت ەتىپ وتىر.
قورعانىس سالاسىنداعى باسەكەدە كوش كەيىن قالماۋدى ۇيعارعان اقش ەكى جىل بۇرىن دونالد ترامپتىڭ باستاماسىمەن ۇلتتىق دوكتريناعا قاۋىپسىزدىك تۋرالى ءتورت تارماقتى ەنگىزگەن بولاتىن. اتاپ ايتقاندا، ءدىني تەرروريزمگە قارسى تۇرۋ جانە ميگراتسيانى شەكتەۋ; ەنەرگەتيكاداعى تاۋەلسىزدىك جانە ەكونوميكالىق قاۋىپسىزدىك; ارميانى كۇشەيتۋ جانە مودەرنيزاتسيالاۋ، قاۋىپسىزدىك تاراۋلارىنداعى ميلليونداعان جۇمىس ورىندار جانە «كۇشكە باعىنعان تىنىشتىق»; قۇراما شتاتتىڭ الەمدەگى ىقپالىن ارتتىرۋ. كۇشكە باعىنعان تىنىشتىق ۇستانىمىن ريم يمپەراتورى ادريان مەن ترامپ زور قۇرمەتىن بىلدىرەتىن اقش-تىڭ وڭتۇستىك-سولتۇستىك سوعىسى كەزىندەگى پرەزيدەنتى رونالد رەيگان ۇستانعان ەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر