تۇركيا پرەزيدەنتى رەجەپ تايىپ ەردوعان. فوتو: https://postimages

ءسۇريا مەن ونى قولداپ وتىرعان رەسەي اسكەرى ايماقتاعى بەيبىت حالىققا قارسى شابۋىلداپ وتىر. بۇل تۋرالى تۇركيا پرەزيدەنتى مالىمدەدى.

رەجەپ تايىپ ەردوعان سوزىندە: «قازىر سۇرياداعى يدليب ماسەلەسى ماڭىزدى. باشار اساد رەجيمىنىڭ ساربازدارى شابۋىلدارىن توقتاتىپ، تەز ارادا بۇل ايماقتان كەتۋى كەرەك. ولاي بولماعان جاعدايدا تۇركيا  دا كۇش قولدانادى. بىزگە وداقتاس ەلدەر كومەكتەسەتىن بولسا ودان دا باس تارتپايمىز.  الايدا يدليبتەن ۇكىمەت اسكەرىن ءوز كۇشىمىزبەن دە باسۋعا شاما جەتەدى»،– دەيدى.

كۇنى بۇگىنگە دەيىن باشار اسادتىڭ باسشىلىعىمەن ءسۇريا اسكەرى پرويراندىق اسكەري توپتارمەن بىرگە ءالى كۇنگە دەيىن ەلدىڭ سولتۇستىك-باتىسىنداعى يدليب پروۆينتسياسىندا شابۋىلىن جالعاستىرىپ كەلەدى. اقپاننىڭ وزىندە ءسۇريا ارمياسىنىڭ ارتيللەريالىق شابۋىلدارىنان 12 تۇرىك اسكەرى جانە ءبىر ازاماتى قازا تاپتى. بۇعان جاۋاپ رەتىندە تۇركيا ءسۇريانىڭ 115 ۇكىمەتتىك عيماراتتارىن نىساناعا الىپ، 101 سۇريالىق جاۋىنگەردىڭ كوزىن جويعانىن ايتتى.

"The Qazaq Times"