فوتو: showbernard.net

تءۇركىمەنستان مۇناي-گاز سالاسىنىڭ قىزمەتكەرلەرى جالاقىسىنىڭ 15-20 پايىزىن ازيادا ويىندارىن ءوتكىزۋگە بءولەدى، دەپ حابارلادى جەرگىلىكتى باق.

بۇل اقپاراتتى "گامىشلىجا نەبيت" مۇناي ءوندىرۋشى كاسىپورىنىنىڭ جۇمىسشىلارى، سونداي-اق بالقان وبلىسىنداعى "تۇركىمەننەبيت" كونتسەرنىنىڭ قىزمەتكەرلەرى ازاتتىق راديوسىنا راستادى.

كونتسەرن ينجەنەرلەرىنىڭ ايتۋىنشا، سوڭعى بىرنەشە كۇن بويى ەلدەگى مۇناي-گاز سالاسىنداعى بارلىق كاسىپرىنداردىڭ جۇمىسشىلارىن ازيا ويىندارىنا ء"وز ەركىمەن كومەكتەسۋ" ءۇشىن جالاقىنىڭ ءبىر بولىگىن بەرۋ تۋرالى ارىز جازۋعا مىندەتتەگەن.

حابارلارعا قاراعاندا، قىزمەتكەرلەر جالاقىلارىنىڭ 15-20 پايىزىن ساۋىردەن قىركۇيەككە دەيىن بەرىپ وتىرادى.

بۇعان دەيىن مەملەكەتتىك سەكتور قىزمەتكەرلەرى مەن جەكە كاسىپكەرلەردەن ء"وز ەركىمەن كومەكتەسۋ" جارناسى الىناتىنى حابارلانعان ەدى.

“The Qazaq Times”