قوردايداعى ساربازدار. فوتو: Polisia.kz

قورداي اۋدانىندا بولعان بۇلىكتەن 19 پوليتسەي جاراقات الىپتى. ونىڭ 9-ى اتىس كەزىندە مەرتىككەن. 

ءىىم-ءنىڭ Polisia.kz اقپاراتتىق مەديا پورتالىندا جاريالانعان دەرەك بويىنشا، ارنايى جاساق ينسپەكتورىنىڭ بەتى مەن سول اياعىنا وق تيسە، تاعى بىرەۋىنە اياق سان تۇسىنان جارالانعان. قورداي اۋدانىندا ءتارتىپ ورناتۋعا جامبىل جانە الماتى وبلىسى پوليتسيا دەپارتامەنتتەرىنىڭ قىزمەتكەرلەرى جۇمىلدىرىلعان. پوليتسيا قىزمەتكەرلەرى قورعانىس قۇرالدارىنىڭ ارقاسىندا اسا كوپ جاراقات الا قويماعان كورىنەدى.  دياگنوزى جەڭىل ساربازدار مەديتسينالىق كومەككە جۇگىنىپ، ەم-دوم العان سوڭ، قايتادان قاتارعا قوسىلىپتى.  الايدا وق تيگەندەر اراسىندا الماتى وبلىسى پد باستىعىنىڭ ورىنباسارى سەرىك جۇنىسبەكوۆ تە بار. وعان ارنايى وتا جاسالعان، قازىرگى تاڭدا دەنساۋلىعىنا قاۋىپ ءتونىپ تۇرعان جوق. قىلمىستىق كودەكستىڭ 380-بابى، ياعني "بيلىك وكىلىنە قاتىستى كۇش قولدانۋ" بويىنشا سوتقا دەيىنگى تەرگەۋ جۇرگىزىلۋدە.

“The Qazaq Times”