بىلتىر اقپاندا قوردايداعى بولعان ۇلتارالىق جانجالعا بايلانىستى تارازدا ءوتىپ جاتقان سوتتا بۇگىن ءجارىسسوز باستالدى. مەملەكەتتىك ايىپتاۋشى، پروكۋرور ايىپتالۋشىلارعا جازا سۇرادى. بۇل اقپاراتتى ازاتتىق راديوسى حابارالادى.
ازاتتىقتىڭ جازۋىنشا، پروكۋرور سۋديادان كەيبىر ايىپتالۋشىلارعا 18-20 جىلعا دەيىن باس بوستاندىعىنان ايىرۋ جازاسىن تاعايىنداۋدى وتىنگەن. ال ايىپتالۋشىلار بۇل جازا تىم اۋىر ەكەنىن العا تارتقان.
قوردايداعى جانجالعا بايلانىستى سوت پروتسەسى 2020 جىلدىڭ جەلتوقسان ايىنان بەرى جالعاسىپ كەلەدى. تارازداعى سوتتا 51 ايىپتالۋشىنىڭ ءىسى قارالىپ جاتىر.
ولارعا قىلمىستىق كودەكستىڭ "جاپپاي تارتىپسىزدىك", "قارۋدى، وق-دارiلەردi, جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ", "قورقىتىپ الۋ", "قاراقشىلىق" جانە "ادام ءولتىرۋ" باپتارى بويىنشا ايىپ تاعىلىپ جاتىر.
2020 جىلى 7 اقپاندا تۇندە جامبىل وبلىسى قورداي اۋدانىندا قازاقتار مەن دۇنگەندەر اراسىندا قاقتىعىس بولعان. وقيعا كەزىندە 11 ادام قازا تاپقان. جانجالدان سوڭ 120-دان استام قىلمىستىق ءىس قوزعالىپ، 50-دەن استام ادامعا ايىپ تاعىلعان. پروكۋراتۋرانىڭ مالىمەتىنشە، قوردايداعى ۇلتارالىق جانجال كەزىندە 164 ءۇي مەن ساۋدا ورنى، 100 كولىك قيراعان. 342 ادام جابىرلەنۋشى دەپ تانىلعان. 400-دەن استام ساراپتاما جۇرگىزىلىپ، 1,5 مىڭنان استام ادام سۇرالعان.
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى