«حالىق ۇنىنە قۇلاق تۇرەتىن مەملەكەت» قۇرعىسى كەلەتىن توقاەۆتى بورىشكەرلەردەن ارنايى جاساق بىرنەشە رەت «قورعاپ كەلەدى»

بۇگىن، 7 اقپان استانادا ءبىر توپ بورىشكەر بيلىكتەن ماسەلەسىن شەشىپ بەرۋىن تالاپ ەتىپ، تاعى دا اقورداعا بەتتەدى. الايدا نارازى توپتى بۇل جولى دا ارنايى جاساق وكىلدەرى بوگەپ، ارى قاراي وتكىزبەدى.

ازاتتىققا بەرگەن سۇقباتىندا ازامات قاناعات تاكەەۆا:

– ءبىز بۇگىن عانا بارلىق بانكتەردىڭ قايتا قارجىلاندىرۋ باعدارلاماسىنا قاتىسۋدان باس تارتىپ جاتقانىن بىلدىك. ءبىز شوك بولدىق. سەبەبى بۇعان دەيىن 17 بانك باعدارلاماعا قوسىلدى دەلىنگەن ەدى. بانكتەر ۇلتتىق بانك ۇسىنىپ وتىرعان تۇسىنىكسىز شارتتاردى قابىلداي المايمىز دەيدى. ۇلتتىق بانك تە بىردە-ءبىر بانكتىڭ قول قويماعانىن راستادى. ەندى بيلىكتىڭ سوزىنە سەنبەيمىز. قوشانوۆ پەن توقاەۆتىڭ وزىمەن كەزدەستىرۋدى تالاپ ەتەمىز،  – دەدى.

بەلسەندىنىڭ سوزىنە قاراعاندا، كەشە بورىشكەرلەر ۇلتتىق ەكونوميكا ۆيتسە-ءمينيسترى، ادىلەت ۆيتسە-ءمينيسترى، سوت اكتىلەرىن ورىنداۋ دەپارتامەنتى، جوعارعى سوت وكىلدەرىمەن كەزدەسكەن. بىراق بورىشكەرلەر شەنەۋنىكتەردىڭ «ماسەلەلەرىڭىزدى شەشەمىز» ۋادەلەرىنەن شارشاعانىن، ناقتى ارەكەت جوقتىعىن ايتتى.

بورىشكەر ءاليا بايبولاتوۆا «كەلەمىز – الداپ-سۋلاپ شىعارىپ سالادى. ەرتەڭ بانكتىڭ اكتسيونەرلەرى كەلەدى دەيدى. بارساڭ - اكتسيونەرلەر تۇرماق، تاس تا جوق. ولار ءتىپتى باعدارلاما بارىن دا بىلمەيدى. ولار حالىقتى وسىندا قيناپ قويىپ، قالاي تاماق ىشەدى؟ نەشە كۇن بولدى زارلاپ جۇرگەنىمىزگە؟ جاۋاپ تابا الماي جاتىرمىز»، – دەيدى.

اقپاننىڭ 4-ءى مەن 5-ءسى دە ەلدىڭ ءار ايماعىنان كەلگەن، ەكونوميكالىق داعدارىستان يپوتەكاسىن تولەي الماي قالعان بورىشكەرلەر اقوردا الدىنا بارار جولدا ارنايى جاساقتىڭ كەدەرگىسىنە تاپ بولعان ەدى.

قارجى ساراپشىلارى 2014-2015 جىلدارى تەڭگەنىڭ اياقاستى ەسەپسىز قۇلدىراۋى تۇراقتى تابىستى تۇرالاتقانىمەن قويماي، كەلىسىمشارتتى دوللار تالابىمەن تۇزگەن بانك تۇتىنۋشىلارىنا اۋىر سوققى كەلتىرگەنىن ايتادى.

2000 جىلدىڭ العاشقى ونجىلدىعىندا ەكىنشى دەڭگەيلى بانكتەر حالىقتىڭ قارجىلىق-قۇقىقتىق ساۋاتسىزدىعىن پايدالانىپ، جاپپاي زور ۇستەمەمەن يپوتەكالىق نەسيە ۇلەستىرگەن سوڭ ەل جاعدايى ءالى ەسەڭگىرەپ تۇرعانى ءجيى سىنالادى. وسى ورايدا ۇلتتىق بانك 2015 جىلى يپوتەكالىق كرەديتتى قايتا قارجىلاندىرۋ باعدارلاماسىن ازىرلەگەنىمەن، بۇل ماسەلەنى شەشۋگە قاۋقارسىزدىق تانىتىپ كەلەدى.

بىلتىر كۇزدىڭ باسىندا مەملەكەت باسشىسى توقاەۆ قازاقستان حالقىنا ارناعان جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسىن تانىستىرعان ەدى. بۇل «ازاماتتاردىڭ بارلىق سىندارلى ءوتىنىش-تىلەكتەرىن جەدەل ءارى ءتيىمدى قاراستىراتىنىن» ايتقان پرەزيدەنتتىڭ ءسوزى مەن ءىسىنىڭ تەڭدىگى تۋرالى قوعام پىكىرى ءار الۋان. توقاەۆ تۇڭعىش جولداۋىندا:

«بيلىك پەن قوعام اراسىندا تۇراقتى ديالوگ ورناتۋ ارقىلى عانا قازىرگى گەوساياسي احۋالعا بەيىمدەلگەن ۇيلەسىمدى مەملەكەت قالىپتاستىرۋعا بولادى. سوندىقتان ازاماتتىق قوعامعا قولداۋ كورسەتىپ، ونىڭ الەۋەتىن نىعايتا ءتۇسۋ كەرەك. سونداي-اق، اسا ماڭىزدى جالپى مەملەكەتتىك مىندەتتەردى شەشۋ ءۇشىن تالقىلاۋ جۇمىستارىنا ازاماتتىق قوعامنىڭ مۇمكىندىكتەرىن كەڭىنەن قولدانۋ قاجەت»، – دەگەن بولاتىن.

“The Qazaq Times”