كورنەكى سۋرەت. فوتو: اشىق دەرەككوز

قازاقستاندا 38 ادام كوروناۆيرۋس جاعدايىنا بايلانىستى سانيتارلىق باقىلاۋ جاعدايىندا مەديتسينالىق مەكەمەلەردە جاتىر.

بۇگىن دەنساۋلىق ساقتاۋ ءمينيسترى ەلجان ءبىرتانوۆ سوڭعى مالىمەتتەردى ءبولىستى:

– قازىرگى ۋاقىتتا مەديتسينالىق مەكەمەلەرگەدەنە قىزۋى كوتەرىلىپ، كوروناۆيرۋس اۋرۋىن جۇقتىردى دەگەن كۇدىكپەن 54 ادام اۋرۋحاناعا جاتقىزىلدى. ونىڭ ىشىندە 16 ادامنىڭ دياگنوزى راستالماعان، ولار ساۋىعىپ، جازىلىپ شىقتى. بۇگىنگى تاڭدا جۇقپالى اۋرۋلار اۋرۋحاناسى مەن ستاتسيوناردا 38 ادام سانيتارلىق قاداعالاۋدىڭ قاتاڭ باقىلاۋىندا، – دەدى.

«دياگنوستيكالىق زەرتتەۋ جالعاسىپ جاتىر. الماتىدا اسا قاۋىپتى ينفەكتسيالار عىلىمي ۇلتتىق ورتالىعى بازاسىندا ۇلتتىق بيوتەحنولوگيا ورتالىعىمەن بىرلەسىپ ددسۇ ادىستەمەسى بويىنشا كوروناۆيرۋستىڭ گەنەتيكالىق دياگنوستيكاسى جولعا قويىلعان. سوعان بايلانىستى ەمدەۋ شارالارىنا كىرىسەتىن بولامىز»، – دەپ تولىقتىردى مينيستر.

29 قاڭتاردا باس سانيتارلىق دارىگەر جانداربەك بەكشين قىتايدان كەلگەن 35 ادامنىڭ اۋرۋحاناعا جاتقىزىلعانىن ايتقان بولاتىن. ولاردىڭ 27-سىنە تۇماۋ دياگنوزى قويىلعان. ال سەگىز ادامنىڭ ءاناليزىنىڭ ناتيجەسى جاقىن كۇندەرى شىعۋى ءتيىس.

ازىرگە دۇنيە جۇزىندە كوروناۆيرۋس جۇقتىرعان 7 711 ناۋقاس تىركەلدى، 170 ناۋقاس كوز جۇمدى. سونىمەن قوسا  الەم بويىنشا 17 مەملەكەتتە 90 ناۋقاس تىركەلدى.

"The Qazaq Times"