پەرۋدەگى جويقىن سەل ادام ولىمىنە ۇشىراتتى

مەملەكەتتىڭ سولتۇستىگىندەگى پيۋرا قالاسىندا 15 ساعات توقتاۋسىز جاۋعان جاۋىننان كەيىن سۋ تاسقىنى بولدى. سونىڭ سالدارىنان 4 ادام كوز جۇمدى دەپ حابارلادى trt.net.

سۋ تاسقىنى 1,8 مەتر كوتەرىلگەنى سەبەپتى وزەننىڭ جاعاسىندا ورىن العان Catacaos قالاشىعىندا 500-دەن استان ادام قاۋىپسىز جەرگە اپارىلدى.

اپات جانە توتەنشە جاعداي باسقارماسى توراعاسى جورجي چاۆەس مەملەكەتتە سوڭعى 10 جىلدا بولماعان ەڭ ۇلكەن جاۋىن-شاشىن ەكەنىن ايتتى.

چاۆەس پيۋرا قالاسى ورتالىعىندا كوپتەگەن ادامداردىڭ سەل اپاتىنان زارداپ شەككەنىن، بۇل ساناقتىڭ Catacaos قالاشىعىندا 20 مىڭعا جەتكەنىن باياندادى.

مەملەكەت كولەمىندە اقپان ايى باسىندا باستالعان اپاتتان كەم دەگەندە 23 ادام كوز جۇمىپ، 37 ادام جاراقات العان. سەل اپاتى كەسىرىنەن 994 عيمارات، 14 كوپىر جانە 46 شاقىرىمدىق جول جارامسىز بولىپ قالعان.

“The Qazaq Times”