فوتو: http://i.mycdn.me

اقش-تىڭ مەملەكەتتىك دەپارتامەنتى سەيسەنبى كۇنى ۋحان قالاسىنان شامامەن 230 امەريكالىق ازاماتتى چارتەرلىك رەيسپەن قۇراما شتاتتارىنا ەۆاكۋاتسيالاماق.

رەسمي مالىمەتتەر بويىنشا، قازىر ۋحاندا مىڭعا جۋىق اقش ازاماتى بار. ەلىنە ورالاتىنداردىڭ اراسىندا ديپلوماتتار مەن ولاردىڭ وتباسىلارى بار. اقپارات كوزدەرىنىڭ حابارلاۋىنشا، ۇشاق ۋحاننىڭ جابىق اۋەجايىنا قونىپ كوپ ۇزاماي كەرى قايتاتىن بولادى.

2019 جىلدىڭ جەلتوقسانىنان باستاپ قىتايدا بەلگىسىز كوروناۆيرۋستىڭ تارالۋىنان كەيىن ەل بيلىگى حۋبەي پروۆينتسياسىنداعى ون قالانى كارانتينمەن جاپتى. ءبىر تاۋلىكتىڭ ىشىندە قىتايدىڭ 30 پروۆينتسياسىندا، اۆتونومدى اۋداندارىندا جانە قالالارىندا اۋرۋ جۇقتىقتارعاندار سانى 1771 ادامعا ءوستى. 515 ناۋقاس اۋىر حالدە جاتسا، 26 ادام كوز جۇمدى (حۋبەي پروۆينتسياسىندا – 24, بەيجىڭدە – 1, حايناندا – 1). 9 ناۋقاس اۋرۋحانادان شىعارىلدى، 2077 ادام جاڭا كوروناۆيرۋس جۇقتىردى دەگەن كۇدىككە ىلىكتى. سوڭعى دەرەكتەرگە سايكەس، قىتايدا كوروناۆيرۋسقا شالدىققاندار سانى 4515 ادامدى قۇرادى. ودان 106 ادام قازا تاپقان.

"The Qazaq Times"