امەريكالىق Facebook كومپانياسىنىڭ باسشىلىعى كوروناۆيرۋستىڭ ورشۋىنە بايلانىستى ءوز قىزمەتكەرلەرىنىڭ قىتايعا ساپار شەگۋىنە شەكتەۋ قويدى.
Bloomberg اگەنتتىگىنىڭ حابارلاۋىنشا، بۇل شارالار 27 قاڭتاردا كۇشىنە ەنگەن. ەگەر كومپانيا قىزمەتكەرىنىڭ مىندەتتى تۇردە قىتايعا بارۋى كەرەك بولسا، وندا ول ارنايى رۇقسات الۋى قاجەت. سونىمەن قاتار كومپانيا قىتايلىق شتاب-پاتەرىندە جۇمىس ىستەيتىن قىزمەتكەرلەرى مەن جاقىن ارادا قىتايعا بارىپ كەلگەن قىزمەتكەرلەرىنە ۇيدەن جۇمىس ىستەۋدە رۇقسات بەردى.
2019 جىلدىڭ جەلتوقسانىنان باستاپ قىتايدا بەلگىسىز كوروناۆيرۋستىڭ تارالۋىنان كەيىن ەل بيلىگى حۋبەي پروۆينتسياسىنداعى ون قالانى «كارانتينمەن جاۋىپ» تاستادى. وسى اپتادا ءبىر تاۋلىكتىڭ ىشىندە قىتايدىڭ 30 پروۆينتسياسىندا، اۆتونومدى اۋداندارىندا جانە قالالارىندا اۋرۋ جۇقتىقتارعاندار سانى 1771 ادامعا ءوستى. 515 ناۋقاس اۋىر حالدە جاتسا، 26 ادام كوز جۇمدى (حۋبەي پروۆينتسياسىندا – 24, بەيجىڭدە – 1, حايناندا – 1). 9 ناۋقاس اۋرۋحانادان شىعارىلدى، 2077 ادام جاڭا كوروناۆيرۋس جۇقتىردى دەگەن كۇدىككە ىلىكتى. سوڭعى دەرەكتەرگە سايكەس، قىتايدا كوروناۆيرۋسقا شالدىققاندار سانى 4515 ادامدى قۇرادى. ودان 106 ادام قازا تاپقان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى