اقش مەملەكەتتىك حاتشىسى مايك پومپەو. فوتو: اشىق دەرەككوزدەن

1-2 اقپان ارالىعىندا اقش-تىڭ مەملەكەتتىك حاتشىسى مايك پومپەونىڭ قازاقستانداعى رەسمي ءىسساپارى وتەدى.

قر سىرتقى ىستەر مينيسترلىگى جاريالاعان حابارلامادا: «2020 جىلعى 1-2 اقپاندا اقش مەملەكەتتىك حاتشىسى مايكل پومپەونىڭ نۇر-سۇلتان قالاسىنا ساپارى جوسپارلانۋدا. ساپار اياسىندا م. پومپەونىڭ مەملەكەت باسشىلىعىمەن جانە قر سىرتقى ىستەر ءمينيسترى مۇحتار تىلەۋبەردىمەن كەزدەسۋلەرى قاراستىرىلعان. كەزدەسۋلەردە ەكىجاقتى جانە وڭىرلىك ىنتىماقتاستىق، سونداي-اق جاھاندىق كۇن تارتىبىندەگى وزەكتى ماسەلەلەرى تالقىلانادى»، – دەلىنگەن.

پومپەو استاناعا 5 قاڭتاردا كەلۋى ءتيىس ەدى. مەملەكەتتىك حاتشى رەسپۋبليكا پرەزيدەنتىمەن كەزدەسىپ، ساياسي، ەكونوميكالىق جانە مادەني-گۋمانيتارلىق ىنتىماقتاستىق ماسەلەلەرىن تالقىلاۋدى جوسپارلاعان. بىراق اقش پەن يران ماسەلەسىنە بايلانىستى پومپەونىڭ ۋكراينا، بەلارۋس، قازاقستان، وزبەكستان جانە كيپرعا جوسپارلاعان ساپارىن كەيىنگە قالدىرىلدى.

"The Qazaq Times"