گرەكياداعى لەسبوس، حيوس، ساموس ارالدارىنىڭ مىڭنان استام تۇرعىنى ەلدەگى بوسقىندارعا قارسى ەرەۋىلگە شىقتى.

ميگرانتتار قاقتىعىسىنان، ەكونوميكالىق داعدارىستان شارشاعانىن ايتقان نارازىلار ەل اۋماعىن بوسقىنداردان بوساتۋىن تالاپ ەتتى. ويتكەنى مەملەكەتتە ميگرانتتارعا ارنالعان ورتالىق كوبەيىپ، جەرگىلىكتى تۇرعىنداردىڭ تۇرمىس-تىرشىلىگى قيىنداعان. ازاماتتاردىڭ ايتۋىنشا، گرەكيا ءوزى قابىلاي الاتىن ميگرانتتار ليميتىنەن الدەقايدا اسىپ كەتتى.مىسالى، سىيىمدىلىعى 3 مىڭ ورىندى قۇرايتىن موريا ورتالىعىندا 19 مىڭنان استام بوسقىن تۇرىپ جاتىر. سونداي-اق لاگەردە ميگرانتتار ءۇشىن جاعداي جاسالماعانىن ايتادى.

2016 جىلى ەۋروپالىق وداق پەن تۇركيا ورتاق شەشىمگە كەلگەن. ارنايى كەلىسسوزگە سايكەس، انكارا ميگرانتتاردىڭ ەۋروپا ەلدەرىنە قونىس اۋدارماۋىن قاتاڭ قاداعالاسا، ەو تۇركياعا 6 ملرد ەۋرو كولەمىندە قارجى بەرۋى ءتيىس بولاتىن. كەيىننەن ەردوعان وداق تاراپىنان تەك 3 ملرد ەۋرونىڭ بولىنگەنىن مالىمدەدى. قازىرگى ۋاقىتتا تۇركيانىڭ وزىندە ازاماتتىق سوعىستان قاشقان 3,6 ميلليون سۇريالىق بوسقىن بار.

ەۋرووداقتىڭ تۇركيامەن كەلىسسوزى گرەكيادا 2015 جىلدان باستاپ بوسقىنداردىڭ ارتۋىنا سەپ بولدى. لەسبوس ەلدىمەكەنىندەگى ميگرانتتار لاگەرىندە كۇنى بۇگىنگە دەيىن جەرگىلىكتى تۇرعىندار مەن بوسقىندار اراسىندا قاقتىعىستار ورىن الىپ كەلەدى. رەسمي مالىمەتتەر بويىنشا، شامامەن 24 مىڭ بوسقىن ەۋروپا اسۋ ماقساتىندا گرەكياعا قونىس اۋدارعان.

"The Qazaq Times"