اق ءۇي اكىمشىلىگى بەلارۋس، قىرعىزستان، نيگەريا، ميانما، سۋدان، تانزانيا مەن ەريترەيانى اقش-قا كىرۋگە شەكتەۋ قويىلعان ەلدەر تىزىمىنە ەنگىزۋدى جوسپارلاپ وتىر. بۇل تۋرالى «The Wall Street Journal» جانە «Politico» باسىلىمى حابارلادى.
«قارا ءتىزىم» ءالى ناقتىلانعان جوق جانە وزگەرۋى مۇمكىن. سوڭعى نۇسقا 27 قاڭتاردا جاريالانباق. ەسكەرەتىن جايت، اتالعان مەملەكەت ازاماتتارىنا امەريكاعا ساپارلاۋعا تۇبەگەيلى شەكتەۋ قويىلمايدى. بىراق ىسكەرلىك نەمەسە تۋريستىك ۆيزالاردىڭ كەي تۇرلەرىنە شەكتەۋ قويىلۋى مۇمكىن.
اق ءۇيدىڭ رەسمي وكىلى حوگان گيدلي: «ەگەر ەل اقش-تىڭ يمميگراتسيالىق باعدارلامالارىنا تولىق قاتىسۋ ءۇشىن تىزىمدەگى مەملەكەت ازاماتتارى قاۋىپسىزدىك پەن تەرروريزمگە قارسى كۇرەستىڭ بارلىق شارالارىن ساقتاۋى ءتيىس»، – دەپ مالىمدەدى.
بىلتىر قاراشادا CNN تەلەارناسى اقش ءۇشىن «قارا تىزىمگە» ەنەتىن ەلدەر سانى ارتادى دەگەن بولاتىن. بەلارۋس سىرتقى ىستەر مينيسترلىگى اقش-تان رەسمي حابارلاما الماعانىن، سول سەبەپتى بۇل جونىندە مالىمدەمە جاسامايتىنىن ايتتى.
2017 جىلدىڭ قاڭتارىندا دونالد ترامپ يران، يراك، ءسۇريا، ليۆيا، يەمەن، سۋدان جانە سومالي سىندى جەتى ەل ازاماتتارىنا اقش-قا كىرۋگە ۋاقىتشا تىيىم سالۋ تۋرالى جارلىققا قول قويعان. سول جىلى ناۋرىزدا يراك تۇرعىندارىنا كىرۋگە رۇقسات بەرىلدى. قىركۇيەكتە جاڭا كوشى-قون جارلىعىنا كحدر، چاد ازاماتتارىن (تىيىم 2018 جىلدىڭ ساۋىرىندە جويىلدى) جانە ۆەنەسۋەلا شەنەۋنىكتەرىن قوستى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟