ۋكراينا پرەزيدەنتى ۆلاديمير زەلەنسكي فرانتسۋزدىق ارىپتەسى ەممانۋەل ماكرونمەن جاقىن ارادا ۋكراينا-فرانتسيا-گەرمانيا فورماتىندا جيىن وتكىزىپ، دونباستاعى جاعدايدى تالقىلاۋعا كەلىستى. بۇل تۋرالى «ۋكراينفورم» حابارلادى.

تاراپتار قىرىم، دونباسس ماسەلەسىن تالقىلاماق. جيىنعا گەرمانيا كانتسلەرى انگەلا مەركەل، فرانتسيا پرەزيدەنتى ەممانۋەل ماكرون جانە ۋكراينا باسشىسى ۆلاديمير زەلەنسكي قاتىسادى.

9 جەلتوقساندا پاريجدە «نورماند تورتتىگى» وكىلدەرى باس قوسقان. كەزدەسۋ بارىسىندا زەلەنسكي: «ۋكراينا – ۋنيتارلى مەملەكەت. مەن ۋكراينا پرەزيدەنتى رەتىندە ەلدىڭ ەشقاشان بولىنبەيتىنىن جانە ۋكراين حالقى ءبىرتۇتاس ەكەندىگىن باسا ايتقىم كەلەدى. فەدەراتسيا قۇرامىنا ەنۋ تۋرالى وي تۋىنداماي-اق قويسىن. ۋكراينا تاۋەلسىز، دەربەس جانە دەموكراتيالىق مەملەكەت. ۋكراينانىڭ شىعىسىنداعى جاعدايدى حالىقارالىق تۇرعىدا شەشۋ مۇمكىن ەمەس، ءاربىر ۋكراين ءۇشىن دونباسس پەن قىرىم – ۋكراينا جەرى»، — دەپ كەسىپ ايتقان.

«نورماند تورتتىگى» ءسامميتى – ۋكراينانىڭ شىعىسىنداعى جانجالدى رەتتەۋ ءۇشىن 2014 جىلدان بەرى جۇمىس ىستەپ كەلە جاتقان ۋكراينا، رەسەي، فرانتسيا جانە گەرمانيا جەتەكشىلەرى مەن سىرتقى ىستەر مينيسترلىگىنىڭ كەزدەسۋ فورماتى.

"The Qazaq Times"