بۇگىن تاڭەرتەڭ ساعات 7:22-دە Bek Air ۇشاعى الماتى اۋەجايىنان ءبىر شاقىرىم قاشىقتىقتا تالعار اۋدانىنا قاراستى گۇلدالا اۋىلىنداعى يەسىز ەكى قاباتتى ۇيگە قۇلاعان. جالپى 15 جولاۋشى قازا تاپقان. 

وكىنىشتىسى، بۇل Fokker 100 ۇشاعىنىڭ العاشقى اپاتى ەمەس. 3 جىل بۇرىن ءدال وسىنداي اۋە لاينەرى ەلوردانىڭ اۋەجايىنا اپاتتى جاعدايدا قونعان بولاتىن. ول دا «بەك ەير» كومپانياسىنىڭ ۇشاعى ەدى. ول جولى ۇشقىشتار ۇشاقتى الدىڭعى ءشاسسيسىز قوندىرا الدى. سول كەزدە ۇشاقتا 121 ادام بولدى. ونىڭ بەسەۋى – ەكيپاج مۇشەلەرى.

الەمدىك تاجىريبەدە Fokker 100 ۇشاعى العاش رەت سولتۇستىك ماكەدونيادا قۇلاعان. بۇل – 1993 جىلى بولعان وقيعا. بۇگىنگە دەيىن وسىنداي 17 ۇشاق اپاتقا ۇشىراعان.

"The Qazaq Times"