اقش يراككا سانكتسيا سالماق. وعان پارلامەنتتىڭ ەل اۋماعىنان شەت ەلدىك اسكەرلەردى شىعارۋ تۋرالى شەشىمى تۇرتكى بولعان. بۇل تۋرالى اق ءۇي اكىمشىلىگىندەگى حابارلادى.

مالىمەتتەر بويىنشا، سانكتسيا سالۋ ارقىلى اقش كاسىپكەرلەرىنە يراكتىڭ ىسكەرلىك توبىمەن جۇمىس ىستەۋگە شەكتەۋ قويىلماق.

31 جەلتوقساندا اقش-تىڭ باعداتتاعى ەلشىلىگى الدىندا نارازىلىق شاراسى بولىپ، شەرۋشىلەردىڭ الدى ەلشىلىك عيماراتىنا شابۋىلداعان. امەريكا بۇل نارازىلىقتىڭ ارتىندا يران تۇر دەپ ەسەپتەيدى. نارازىلىق اقش كۇشتەرىنىڭ يراكتاعى جانە سۇرياداعى شابۋىلىندا شيت مۇسىلماندارى قازا تاپقانى تۋرالى مالىمەت تاراعان سوڭ تۇتانعان ەدى.

3 قاڭتاردا اقش باعدادتاعى حالىقارالىق اۋەجايعا زىمىران اتقىلاپ، يراندىق اسكەرباسى كاسەم سۇلەيماني قازا تاپتى. وقيعا جاۋاپكەرشىلىگىن موينىنا العاننان كەيىن ۋاشينگتون مەن تەھران اراسىنداعى سوعىس ىقتيمالدىعى تۋرالى ايتىلا باستادى.

بۇل داۋدى ءجىتى قاداعالاۋعا العان ناتو مەن ەۋروپانىڭ بىرقاتار ەلدەرى «ءۇشىنشى دۇنيەجۇزىلىك سوعىس قاۋپى تۋدى» دەپ، يراندى كەلىسسوزگە شاقىرىپ وتىر. گەرمانيا سىرتقى ىستەر مينيسترلىگىنىڭ باسشىسى حايكو مااس ەۋروپالىق وداق شەڭبەرىندە تاراپتاردى تاتۋلاستىرۋ ءۇشىن بارلىق شارالاردىڭ قابىلداناتىنىن ايتتى. ال ۇلىبريتانيا سىرتقى ىستەر ءمينيسترى دومينيك راابتىڭ ايتۋىنشا، اقش كاسەم سۇلەيمانيدى ءوز ازاماتتارىن قورعاۋ ءۇشىن ولتىرگەن.

"The Qazaq Times"