AQŞ Irakka sankciya salmaq. Oğan parlamenttiñ el aumağınan şet eldik äskerlerdi şığaru turalı şeşimi türtki bolğan. Bwl turalı Aq üy äkimşiligindegi habarladı.

Mälimetter boyınşa, sankciya salu arqılı AQŞ käsipkerlerine Iraktıñ iskerlik tobımen jwmıs isteuge şekteu qoyılmaq.

31 jeltoqsanda AQŞ-tıñ Bağdattağı elşiligi aldında narazılıq şarası bolıp, şeruşilerdiñ aldı elşilik ğimaratına şabuıldağan. Amerika bwl narazılıqtıñ artında Iran twr dep esepteydi. Narazılıq AQŞ küşteriniñ Iraktağı jäne Süriyadağı şabuılında şiit mwsılmandarı qaza tapqanı turalı mälimet tarağan soñ twtanğan edi.

3 qañtarda AQŞ Bağdadtağı halıqaralıq äuejayğa zımıran atqılap, irandıq äskerbası Kasem Süleymani qaza taptı. Oqiğa jauapkerşiligin moynına alğannan keyin Uaşington men Tehran arasındağı soğıs ıqtimaldığı turalı aytıla bastadı.

Bwl daudı jiti qadağalauğa alğan NATO men Europanıñ birqatar elderi «üşinşi düniejüzilik soğıs qaupi tudı» dep, Irandı kelissözge şaqırıp otır. Germaniya Sırtqı ister ministrliginiñ basşısı Hayko Maas Europalıq odaq şeñberinde taraptardı tatulastıru üşin barlıq şaralardıñ qabıldanatının ayttı. Al Wlıbritaniya Sırtqı ister ministri Dominik Raabtıñ aytuınşa, AQŞ Kasem Süleymanidi öz azamattarın qorğau üşin öltirgen.

"The Qazaq Times"