ناتو شۇعىل جيىن وتكىزبەك

سولتۇستىك اليانستىڭ باس حاتشىسى يەنس ستولتەنبەرگ 6 قاڭتار كۇنى ۇيىم كەڭەسىنىڭ شۇعىل وتىرىسىن وتكىزەدى. كۇن تارتىبىندەگى باستى ماسەلە تاياۋ شىعىستاعى جاعدايدىڭ ۋشىعۋى بولماق.

جيىنعا قاتىسۋشىلار يران گەنەرالى سۋلەيمانيدىڭ ولىمىنەن كەيىنگى يراك جەرىندەگى قازىرگى جاعدايدى تالقىعا سالماق. اقش پەن يران قايشىلىعىنا الەم ەلدەرى الاڭداۋشىلىق ءبىلدىرىپ وتىر. وسى اپتادا گەرمانيا مەن ۇلىبريتانيا يران وكىلدەرىمەن كەزدەسۋ وتكىزەتىنىن حابارلادى.

31 جەلتوقساندا اقش-تىڭ باعداتتاعى ەلشىلىگى الدىندا نارازىلىق شاراسى بولىپ، شەرۋشىلەردىڭ الدى ەلشىلىك عيماراتىنا شابۋىلداعان. امەريكا بۇل نارازىلىقتىڭ ارتىندا يران تۇر دەپ ەسەپتەيدى. نارازىلىق اقش كۇشتەرىنىڭ يراكتاعى جانە سۇرياداعى شابۋىلىندا شيت مۇسىلماندارى قازا تاپقانى تۋرالى مالىمەت تاراعان سوڭ تۇتانعان ەدى.

3 قاڭتاردا يراكتا اقش يراندىق اسكەرباسىنىڭ كوزىن جويىپ، وقيعا جاۋاپكەرشىلىگىن موينىنا العاننان كەيىن ۋاشينگتون مەن تەھران اراسىنداعى سوعىس ىقتيمالدىعى تۋرالى ايتىلا باستادى.

"The Qazaq Times"